Саха сирин олохтооҕо лотереяҕа 2 мөлүйүөнү сүүйдэ

«Мечталлион» лотерея тэриллибитэ үһүс сылын туолбут үбүлүөйдээх тирааһыгар Саха сирин олохтооҕо 2 мөлүйүөн солкуобайы сүүйдэ.
Кини дьоллоох билиэтин онлайн көрүҥүнэн атыыласпыт уонна 2 мөлүйүөн солкуобайы сүүйбүт. Бу туһунан Бүтүн Арассыыйатааҕы судаарыстыбаннай лотереялар оператордарын пресс-сулууспата иһитиннэрбит.
Ол эрээри, бу киһи улахан сууманы сүүйбүтүн олох да билбэккэ сылдьар эбит. Бирииһин ыларга биллибэтэх.
Дьэ, биллэҕинэ, төһө эрэ үөрэр, дьоллонор.
Санатар буоллахха, быйыл саас Саха сириттэн элбэх оҕолоох ийэ Елена «Мечталлион» лотереяҕа 1 мөлүйүөн солкуобайы сүүйбүтэ. Кини бу харчытынан дьиэ кэргэнин кытта араас дойдулары кэрийэ барыахпыт диэн былаанын кэпсээбитэ. Кыайыы күнүн көрсө барыта 80 мөлүйүөнү оонньоппуттара.
Маны тэҥэ, 2023 сыллаахха Саха сириттэн икки киһи эмиэ «Мечталлиоҥҥа» 1-дии мөлүйүөн солкуобайы сүүйэн тураллар.
Сообщить об опечатке
Текст, который будет отправлен нашим редакторам: