Саха сирин олохтооҕо «Мин дойдум – мин Арассыыйам» күрэх кыайыылааҕынан буолла

Петербургтааҕы норуоттар икки ардыларынааҕы экнэмиичэскэй   пуорум Ыччат күнүн чэрчитинэн «Мин дойдум – мин Арассыыйам» Бүтүн Арассыыйатааҕы күрэх XXII-с түһүмэҕин кыайыылаахтарын наҕараадалыыр үөрүүлээх сиэр-туом ыытылынна.

18 саастарыттан үөһэ саастаахтар категорияларыгар күрэх түмүктүүр түһүмэҕэр 183 кыттааччы ааста.

Кыайыылаахтар кэккэлэригэр Саха сириттэн Владимир Милославскай киирдэ – кини Арассыыйа эрэгийиэннэрин социальнай-экэнэмиичэскэй сайдыытыгар туһуламмыт бырайыак ааптара.

Кини «Чилингаров ааҕыылара: Арктика уонна Уһук Илин сайдыытыгар анаммыт билим, бырайыактар уонна хамаандалар» бырайыага «Мин дойдум интеллектуальнай бас билиитэ» номинацияҕа бастакы миэстэни ылла.

2018 сылтан бырайыак Арктика зонатын уонна Уһук Илин бигэ сайдыытыгар кылааттарын киллэрэр кыахтаах эрэллээх научнай уонна бырайыактыыр көҕүлээһиннэри көрдөөһүҥҥэ, өйөөһүҥҥэ уонна сайыннарыыга туһуланар.

Күрэх кыттааччыларын үлэлэрин дойду бары эрэгийиэннэриттэн үс тыһыынчаттан тахса эспиэр сыаналаата. Бырайыакка эсэпэртииһэҕэ ураты болҕомто ууруллар – үлэлэри сыаналыырга кыттыан баҕалаахтар кытаанах сүүмэрдээһини уонна үөрэтэр муодулу ааһаллар.