Саха сирин олохтооҕо сөмөлүөккэ пассажиры куруусканан бырахпыт
21.12.2024, 17:50
СИА хаартыската
Бөлөххө киир:
Пассажирскай сөмөлүөккэ күлүгээннээһин туһунан холуобунай дьыала тэрилиннэ. Тырааныспар борокуратуурата маннык быһаарыы сокуоннайын билиннэ.
Быһылаан ахсынньы 13 күнүгэр Иркутскайтан Дьокуускайга көтөн иһэр S7 сөмөлүөккэ буолбут. Пассажирдар ортолоругар уопсастыбаннай бэрээдэги кэһэр итирик киһи баар эбит. Кини атын пассажиры куруусканан бырахпыт, быдьар тылынан саҥарбыт, ону тэҥэ бортпроводниктан арыгы ирдээбит.
Экипаж эр киһини сатаан тохтоппотох уонна Дьокуускай аэропордун диспетчеригэр биллэрбит, ол кэннэ силиэстийэлээччилэр ыҥырыллыбыттар. Кинилэр Саха сирин 46 саастаах олохтооҕун туппуттар. Күлүгээни полиция отделыгар илтилэр.
Холуобунай дьыаланы ИДьМ Хотугулуу-Илиҥҥи салаатын үлэһиттэрэ силиэстийэлииллэр. Силиэстийэ түмүгэ Тырааныспар борокуратууратын хонтуруолугар сылдьар.
+1
2
+1
1
+1
+1
+1
7
+1
+1
5
Сообщить об опечатке
Текст, который будет отправлен нашим редакторам: