Саха сирин олохтооҕо ТНТ ханаал «Ярче звезд» биэриитигэр кытынна

Саха сирин олохтооҕо Денис Харисов ТНТ ханаал ыытар «Ярче звезд» биэриитигэр кытынна. Бу биэриигэ кыттааччылар биллэр ырыаһыттары үтүктүөхтээхтэр. Сүрүн бириис — 5 мөл. солк.

Иккис сезон саҥа биэриитигэр Саха сириттэн сылдьар Денис Харисов Арассыыйа эстрадатын ырыаһыта Шураны үтүгүннэ. Кини бэйэтин билиһиннэрэригэр Сахатын сирин, төрөөбүт Нерюнгритын туһунан кэпсээтэ.

«Ярче звезд» шоуга кыттыы мөлүйүөнүнэн киһиэхэ бэйэҕин билиһиннэрии буолар. Тэлэбиидэнньэҕэ бастакыбын көстөбүн. Бастаан утаа Шураны пародиялыыр чэпчэки буолуо дии санаабытым, оннук буолбатах эбит, үлэ бөҕөтүн аастым. Үрдүк нуоталары ылартан саҕалаан, хамсаныыбын чочуйдум», — диэн Денис Харисов этэр.