Хаартыска "Биир ньыгыл Арассыыйа" баартыйа пресс-сулууспатыттан
«Устуоруйа өйдөбүлэ»: Саха сирин олохтоохторун Аҕа дойду Улуу сэриитигэр киллэрбит кылааттарын биллибэт страницаларын арыйыы.
Аҕа дойду дьоруойдарын күнүн дэкээдэтин, Аҕа дойду Улуу сэриитигэр Кыайыы 80 сылыгар уонна Аҕа дойдуну көмүскээччи сылыгар анаммыт тэрээһиннэр чэрчилэринэн, «Биир ньыгыл Арассыыйа» уопсастыбаннай өйөбүлүн ыстаабыгар «Устуоруйа өйдөбүлэ» баартыйа бырайыага, баартыйа эрэгийиэннээҕи ыстааба, Саха Национальнай архыыба тэрийиилэринэн историческай киэһэ буолан ааста.
Сүрүн түгэнинэн Арассыыйа ытыктабыллаах архыбыыһа уонна Саха сирин сүрүн археограба Александр Калашников бэлэмнээбит «1941-1945 сс. Аҕа дойду Улуу сэриитин фронугар буойун-сахалар» диэн кинигэ уонна былакааттар сиэрийэлэрин биһирэмэ буолла. Тэрээһиҥҥэ кэлбит ыалдьыттар Саха сирин саллааттарын, тыыл үлэһиттэрин устуоруйатын, аймахтарын сэрии кэминээҕи дьылҕаларын сиһилии билистилэр уонна ааптар илии баттааһыннаах кинигэлэри тус бэйэтиттэн туттулар.
Кэлбит дьон Калашников кинигэлэригэр аймахтарын ааттарын буланнар санааларын үөрэ-көтө үллэһиннилэр. Биир ыалдьыт сиэнэ — Курскай кыргыһыы туһунан чинчийэр үлэлэр күрэхтэрин кыайыылааҕа – Александр Александрович кинигэлэрин тутан олус үөрүөҕэ, үлэтигэр салгыы туттуоҕа диэн кэпсээтэ. Ону тэҥэ Дьокуускай куорат муниципальнай архыыбын отделын начаалынньыга Айталина Захарова » Саха дьахталларын үлэҕэ киллэрбит кылааттара» диэн лиэксийэ-биһирэм буолла. Биһирэмҥэ докумуоннаах дакаастабыллар киирбиттэр уонна сэрии сылларыгар Дьокуускайдааҕы ТЭЦ үлэһит дьахталларын кылааттара көрдөрүллүбүт.
«Арассыыйа историческай кырдьыгын көмүскээһин – сүрүн сорук. Устуоруктар уонна архыбыыстар ааспыт кэми сымыйалааһыны булгуччу арыйыахтаахтар уонна суох оҥоруохтаахтар, тоҕо диэтэххэ, устуоруйа бэлиитикэ инструмена буолбатах. Кырдьаҕас көлүөнэлэр үлэҕэ киллэрбит уонна бойобуой хорсун быһыыларын ытыктыырга уонна киэн туттууга иитиигэ архыбыыстар уонна кэмиэрчэскэйэ суох тэрилтэлэр үлэлэрин өйөөһүн наада», – диэн Национальнай архыып дириэктэрин солбуйааччы уонна баартыйа бырайыагын уопсастыбаннай сүбэтин бэрэссэдээтэлэ Наталья Малышева бэлиэтээтэ.
Хаартыскалар: «Биир ньыгыл Арассыыйа» баартыйа пресс-сулууспатыттан
СӨ Бырабыыталыстыбатын бэрэссэдээтэлин солбуйааччы Ольга Балабкина А.Н.Чилингаров аатынан «Арктика: билиҥҥитэ уонна инникитэ» норуоттар икки ардыларынааҕы…
Ил Дархан Айсен Николаев ахсынньы 11 уонна 12 күннэригэр Дьокуускайга ыытыллар "Төрөөбүт дойду – Арассыыйа…
Муниципальнай тэриллиилэр Сэбиэттэрин киэҥ ыҥырыылаах мунньаҕар РФ Бэрэсидьиэнин управлениетын салайааччытын солбуйааччы уонна ВАРМСУ президиумун чилиэнэ…
Амур уобалаһыттан кэлбит Татьяна Шутрина инникини кэпсэтии былаһааккатыгар "ПАРТИСИПАТОРНОЕ ПЛАНИРОВАНИЕ КАК АКСЕЛЕРАТОР МУНИЦИПАЛЬНЫХ ПРЕОБРАЗОВАНИЙ" эспиэрдээтэ. …
Хас биирдии эрэгийиэннээҕи күн – дойду үрдүнэн муниципальнай баһылыктар быһаарыыларын уһаарар. Бүгүн Дьокуускайга "Төрөөбүт дойду…
РФ тыа хаһаайыстыбатын министиэристибэтин тыа сирин сайыннарыыга департаменын дириэктэрин э.т. Дарья Рябухина тыа сирин кэлимник…