Баһаартан кутталлаах кэм саҕаланыаҕыттан эрэгийиэн сиригэр-уотугар 50 тахса айылҕа баһаара бэлиэтэннэ, уопсайа 2 тыһ гектар сири тайаан. Айылҕаҕа баһаар туохтан тахсыбытын Арассыыйа ЫБМ Баһаары судаарыстыбаннай кэтээн көрүүгэ дознавателлэрэ ыыталлар.
Суукка ахсын ГПН уорганнарын үлэһиттэрэ ойуурга рейдэлэри уонна баһаар турбут сирин көрүүнү ыыталлар. Туохтан уот турбутун быһаарыыга сүүһүнэн киһиттэн туоһулаһаллар. Кинилэр бары – чугастааҕы нэһилиэнньэлээх пууннар олохтоохторо.
“Ойуурга силиэстийэлиир суһал тэрээһиннэр ыытыллаллар уонна суотабай сибээс хаппат сиригэр үлэлииллэр диэн болҕомтоҕо ылыахха. Эрэгийиэн олохтоохторо буруйдаахтар тустарынан кырдьыктаах иһитиннэриилээх буоллахтарына, үлэһиттэргэ көмөлөһүөхтэрин сөп, онно 50 тыһыынча солкуобайга диэри төлүүллэр”, — диэтэ Арассыыйа ЫБМ Кылаабынай управлениетын Саха Өрөспүүбүлүкэтигэр Кэтээн көрүүгэ уонна сэрэтэр үлэлэргэ управлениетын начаалынньыгын солбуйааччы – Административнай практика уонна билиннэриигэ отделын начаалынньыга Надежда Петрова чопчулаата.
Ойуур баһаардарын ырытыы уот 90 бырыһыана сэрэхтээхтик туттууттан тахсарын көрдөрдө, 5 эрэ баһаар айылҕа көстүүтүттэн тутулуктаах, этиҥтэн эҥин. Ону тэҥэ уот линияларын мөлтөх туругуттан уонна баһаар турбут эбийиэктэриттэн тарҕанар.
“Ойуур баһаардарын туруутугар буруйдаах дьону булууга Ис дьыала уорганнарыгар суһал-оперативнай үлэни ыытарга 11 сорудах бэрилиннэ, хайы-үйэ 8 буруйдааҕы буллулар. Административнай эппиэккэ билиҥҥитэ 1 киһи тардылынна, атыттарга бэрэбиэркэ ыытыллар”, — диэн Надежда Ивановна эбэн эттэ.
Маны сэргэ силиэстийэлээһин атын категорияҕа киирсэр сирдэргэ ыытыллар, онно умайбыт сир-уот үксэ сэтиэнэх от уонна талах буолар. Маннык баһаардар 95 тахса % киһи буруйунан тахсыбыт. Бэрэбиэркэ кэмигэр сиринэн барбыт баһаарга 11 киһи буруйдааҕа биллибит, аҕыс киһи уопсайа 50 тыһыынча солкуобайдаах административнай ыстараапка тардыллыбыт.
Өрөспүүбүлүкэ ытыктабыллаах олохтоохторо уонна ыалдьыттара! Өскөтүн эһиги баһаар турбутун көрдөххүтүнэ, тута суһал сулууспа биир кэлим төлөпүөнүгэр – 112 эрийиҥ. Буруйдаах киһи туһунан кырдьыктаах иһитиннэриилээх буоллаххытына, сирдээҕи-уоттааҕы лесничествоҕа, оройуоҥҥутугар баар Арассыыйа ЫБМ сотруднигар эбэтэр Кылаабынай управлениеҕа 8(4112) 39-99-99 төлөпүөннээҥ.
Ксения Рахматулина, Арассыыйа ЫБММ ГУ СӨ пресс-сулууспа салайааччыта
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…