Өрөспүүбүлүкэ олохтоохторо байыаннай дьайыыга босхо 3600 баһыылканы ыыппыттар

Бу сыл аҕыс ыйын түмүгүнэн Саха сирин олохтоохторо байыаннай дьайыы хонуутугар барыта 3600 баһыылканы ыыппыттар. Мантан 40-тан тахса %-на тыа сирин буосталарынан оҥоһуллубуттар диэн «Почта России» биллэрэр.

Саха сиригэр «Почта России» 407 отделениета үлэлиир, онтон 127-тэ кыра бөһүөлэктэринэн. Буоста хас биирдии отделениета байыаннай дьайыы хонуутугар байыастарга анаммыт баһыылкалары босхо ыыталлар.

Аадырыстаах баһыылканы ыытарга  сурукка байыаннай чаас нүөмэрин, ылааччы аатын уонна аадырыһын ыйыахтаах: Москва к., 103400. Хас биирдии баһыылка ыйааһына 10 киилэттэн элбэх буолуо суохтаах. Баһыылка ахсаана хааччахтаммат.

Санатан эттэххэ, «Почта России» отделениеларынан 10 киилэҕэ диэри ыйааһыннаах баһыылкалары Курскай уонна Белгородскай уобаластарынан  босхо ыытыахха сөп.