Саха сирин олохтоохторо байыастары өйүүр «Умный город» аахсыйаҕа кыттыахтарын сөп

Норуот фронун кытта «Все для Победы!» бырайыак чэрчитинэн РФ Тутууга министиэристибэтэ «Умный город» аахсыйаны ыытар.

Бу аахсыйа анал байыаннай дьайыыга (СВО) кыттыбыт байыастары өйөөһүҥҥэ уонна фронт таһынааҕы оройуоннарын олохтоохторугар туһаайыллар.

Аахсыйа үс сүрүн хайысханан ыытыллар:

• 1.Наадалаах оборудованиеҕа үбү-харчыны хомуйуу. Аахсыйа чэрчитинэн квадрокоптердары, тепловизордары, сибээс сириэстибэлэрин, бронежилеттары, генератордары, көмпүүтэр тиэхиникэтин, тактическай аптечкалары, сымнаҕас наһыылкалары, утуйар мөһөөччүктэри, сүгэһэрдэри, малы-салы, маскировочнай сиэккэлэри атыылаһыыга харчы мунньуллар.
• 2. РФ саҥа эрэгийиэннэрин өйөөһүн: Российскай Федерация саҥа субъектарынан «Умный город» бырайыагы олоххо киллэриигэ оборудованиенан хааччыйыы.
• 3. Өйөбүл суруктары ыытыы: аахсыйа биир саамай истиҥ сыһыаннаах хайысхата — байыаннай сулууспалаахтарга суруктары ыытыы. Ким баҕарар байыастарга үтүө баҕалаах суруктары суруйуон сөп.

Аахсыйаҕа ким баҕарар кыттыан сөп. «Умный город» бырайыак ахсынньы 10 күнүгэр диэри үлэлиир.

Санатан эттэххэ, «Олорор дьиэ уонна куорат эйгэтэ» национальнай бырайыагынан уонна «РФ сыыппараҕа экэниэмикэтэ» национальнай бырагырааматын чэрчитинэн «Умный город» бырайыак олоххо киллэриллэр.