Хаартыска СИА.
Өрөспүүбүлүкэ Ис дьыалатын министиэристибэтэ тэйиччиттэн олорон түөкүннүүр дьонтон нэһилиэнньэни киэҥник сэрэтэр үлэни ыытан саҕалаата.
Биэдэмистибэ 700-тэн тахса үлэһитэ Дьокуускай куоракка кыбартыыраларынан уонна дьон олорор дьиэлэрин таһынан кэрийэн нэһилиэнньэни сэрэтэр үлэни ыыталлар. Маннык сэрэтэр тэрээһиннэр өрөспүүбүлүкэ бары улуустарыгар буолаллар. Саха сирин олохтоохторо былырыын тэйиччиттэн олорон үлэлиир түөкүттэри 256 мөл. солк. байыппыттар. Бу үүммүт 2023 сыл тохсунньутугар 34 мөл. солк. ыытан, номнуо 147 киһи эмсэҕэлээтэ. Күҥҥэ 7-8 сайабылыанньа киирэр. Антирекорд ааспыт нэдиэлэҕэ буолла, ол курдук суукка устата Саха сирин олохтоохторо хара санаалаахтарга 8 мөл. солк. тахса солк. ыыппыттар.
Биэдэмистибэ сэрэтэр, иһитиннэрэр үлэни тиһигин быспакка ыытар да, дьон түөкүттэр угаайыларыгар син биир киирэн, мунньуммут харчыларыттан ытыс соттоллор, ону ааһан кирэдьиит хабалатыгар киирэн биэрэр.
Уурунуу эбэтэр иэс ылбыт харчыларын баҕа өттүнэн түөкүттэргэ ыытан ночоотурбут Саха сирин олохтоохторо кирэдьиит биэрэр тэрилтэлэргэ кыайан төлүүр кыаҕа суох иэскэ киирэллэр. Түөкүттэртэн эмсэҕэлээбит сорох дьон бааннарга 9-туу мөл. солк. тиийэ төлүүргэ күһэллэллэр, сорохтор маны кыайан уйбакка куһаҕан түмүктээх буолар.
Сэрэтэр хампаанньаҕа волонтердар, устудьуоннар, о.д.а. уопсастыбаннай тэрилтэлэр, ону тэҥэ, уйулҕа үлэһиттэрин сулууспалара кыттыһалларыгар ыҥырабыт. Кыттыан баҕалаахтар сайаапкаҕытын mvdsakha@yandex.ru электроннай аадырыска ыытаргыт ирдэнэр.
СӨ ИДьМ пресс-сулууспата.
ИДЬМ сулууспатын дьуһуурунай чааһыгар олохтоох дьахтар нуорка бэргэһэтин уорбуттарын туһунан тыллаабыт, диэн ИДьМ пресс-сулууспата иһитиннэрэр.…
СӨ үөрэҕириитин үтүөлээх үлэһитэ, РФ уопсай үөрэхтээһинин бочуоттаах үлэһитэ М.К.Петрова аатынан, Аҕа дойду Улуу сэриитигэр…
Саха сирин биллэр судаарыстыбаннай диэйэтэлэ Гаврил Иосифович Чиряев 100 сылыгар аналлаах тэрээһиннэрин былаанын чэрчитинэн Мииринэйгэ…
Эһиил Кэбээйи улууһун сиригэр-уотугар күүтүүлээх Олоҥхо ыһыаҕа буолуохтаах. Онно бэлэмнэнии үлэлэр нэһилиэктэринэн тиһигин быспакка ыытыллаллар.…
Арктика уонна антарктикатааҕы научнай-чинчийэр институт үлэһиттэрэ сайыҥҥы антарктическай сезоҥҥа байҕал мууһун 16 мөл.кв.км кэриҥэ иэнэ…
Айсен Николаев Мэйии уонна нейротехнология федеральнай киинин Арассыыйа федеральнай медико-биологическай ааҕыныстыбатын бэрэстэбиитэллэрин - биологическай билим…