Хаартыска: SakhaGov
Муус устар 26 күнүгэр куорат эйгэтин уонна экология тиэмэлэригэр аналлаах РФ Тутууга министиэристибэтин өйөбүлүнэн ыытыллар Бүтүн Арассыыйатааҕы субуотунньук ыытыллыаҕа.
Саха сиригэр субуотунньуктар муус устар 26 күнүттэн ыам ыйын 12 күнүгэр диэри буолуохтара, онон хас биирдии киһи экология аахсыйатыгар кыттар кыахтанар. Ол туһунан Ил Дархан иһинэн архитектура уонна куораты тутуу управлениета иһитиннэрдэ.
Ону таһынан Саха сирин олохтоохторо муус устар 21 күнүттэн бэс ыйын 12 күнүгэр диэри zagorodsreda.gosuslugi.ru платформаҕа өрөспүүбүлүкэ сиригэр-уотугар уопсастыбаннай эйгэни тупсарыыга Бүтүн Арассыыйатааҕы куоластааһыҥҥа кыттыахтарын сөп.
Куоластааһыҥҥа Саха сирин 34 нэһилиэнньэлэээх пуунуттан 76 сир-уот кыттар. Кыайыылаах бырайыактар федеральнай бүддьүөттэн үбүлээһини ылыахтарын сөп. Куоластааһыҥҥа Дьокуускай, Алдан, Нерюнгри, Ньурба, Өлүөхүмэ, Орто Халыма уонна Жатай уокуруга, ону сэргэ Амма, Үөһээ Бүлүү, Горнай, Эдьигээн, Кэбээйи, Ленскэй, Мэҥэ Хаҥалас, Мииринэй, Нам, Таатта, Уус Алдан, Уус Маайа, Хаҥалас уонна Чурапчы улуустарын нэһилиэнньэлээх пууннара кытталлар.
Манна даҕатан эттэххэ, «Формирование комфортной городской среды» бырагыраама Саха сиригэр 2019 сылтан олоххо киллэриллэр. Бу кэм устата 101 уопсастыбаннай эйгэ тупсарылынна. Олор ортолоругар Дьокуускай куоракка Сайсары күөл кытыла, Таатта улууһун Ытык Күөлүгэр паарка уонна кытыл, Алдан улууһун Томмот куоратыгар “Укулан” сынньанар сир, Алдан куоракка “Орто Сала” паарка, Ленскэй куоракка Ойуунускай уонна Орджоникидзе аатынан уулуссалар уо.д.а. эбийиэктэр тупсарылыннылар.
Бу бырагыраама 2025 сылтан “Олоххо аналлаах инфраструктура” саҥа национальнай бырайыакка киллэрилиннэ.
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…