Видеоттан скриншот
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы хаалларбыт дии санаабыттар. Ол эрээри СИА-ҕа РНА Ирбэт тоҥ биологическай кыһалҕаларын институтун научнай сотруднига, биология наукатын хандьыдаата Михаил Сидоров бу сылгылар суоллара буоларын бигэргэппит.
“Олус көнөтүк үктээбиттэр, ол тайҕа хаһаайынын киэнигэр маарыннаабат. Кырдьаҕас хаамарыгар тилэҕинэн тас өттүгэр, оттон баппаҕайынан ис өттүгэр үктүүр. Оттон бу олоччу сылгы киэнэ. Дьыл бу кэмигэр сылгы туйаҕын үрдүнээҕи түүтэ тоҥо-тоҥо ирэр, ол иһин муус кыаһаан буолар. Онон сылгы хаарга үктэннэҕинэ тыҥырахтаах курдук суолу хаалларар”, — диэн быһаарда Михаил Сидоров. Учуонай этэринэн, балаҕан ыйын бүтүүтүттэн эһэлэр, үгэс курдук, кыстыкка бэлэмнэнэн, арҕахтарын таһыгар сылдьааччылар. Саха сирин соҕуруулуу-арҕааҥҥы уонна арҕаа оройуоннарыгар тыатааҕылар балаҕан ыйын бүтүүтүттэн, сорох оройуоннарга алтынньы ортотуттан арҕахтарыгар киирэллэр.
Саха сирин Экологияҕа министиэристибэтин Булт уонна булт баайын харыстааһын департаменыгар Саха сирин олохтоохторун куттаабыт суоллар сылгылар киэнэ буоларын бигэргэттилэр.
“Үөрүйэх булчуттар сылгы туйаҕын суолун дьыл бу кэмигэр дьон тыатааҕы киэнэ дии саныахтарын сөбүн билэллэр”, — диэн биэдэмистибэ иһитиннэрэр.
Мария Горохова, СИА
Саҥа дьыллааҕы бырааһынньыктар чугаһаабыттарынан түөкүттэр куйаар ситимигэр дьону албынныыллара эмиэ саҕаланна. Кинилэр биир ньымаларынан «Кистэлэҥ…
Арассыыйаҕа үүнэр сыл олунньу 1 күнүттэн биир дьиэ кэргэҥҥэ биир эрэ чэпчэтиилээх кирэдьиити биэрэр хааччах…
Ахсынньы 19 күнүгэр прокакка тахсыбыт «Тооку уонна Чысхаан» толору метражтаах ойуулук киинэ дьон сэҥээриитин ылла…
Марфа, Сергей Расторгуевтар ааттарынан Саха циркэтэ үгэс буолбут Саҥа дьыллааҕы «Книга чудес» саҥа испэктээкилин сүрэхтээтэ.…
Дьокуускайга тохсунньу 4–6 күннэригэр өрөспүүбүлүкэ чөмпүйүөнэ Евгений Охотин кэриэһигэр саахымакка өрөспүүбүлүкэтээҕи турниры ыытар былааннанар. Бу…
Билиигэ-сайдыыга угуйбут, кэскиллээҕи, үйэлээҕи түстээбит, дьоҥҥо-сэргэҕэ кэрэни сахпыт Мария Кирилловна Потапова быйыл төрөөбүтэ 100 сыла…