Саха сирин олохтоохторо МАХ нөҥүө счетчик көрдөрүүлэрин биэриэхтэрин сөп

Саха сирин олохтоохторугар хомунаалынай өҥө счетчиктарын көрдөрүүлэрин МАХ-ка чат-бот нөҥүө биэрэр кыах үөскээтэ. Бу сыыппара платформата олох-дьаһах боппуруостарын түргэнник быһаарарга табыгастаах тэрилинэн буолла.

«СӨ ОДьКХ» тэрилтэ туһанааччылары кытта алтыһарга омук мессенджердэрин туһанарын букатын тохтотто. Саха сирин олохтоохторо билигин счетчик көрдөрүүлэрин МАХ мессенджерин нөҥүө биэриэхтэрин сөп: max.ru/jkhsakha_bot. Чат-бот көрдөрүүлэри түргэнник ылыаҕа уонна ааҕыыны-суоттааһыны оҥорорго ыытыаҕа.

Ону таһынан, счетчик көрдөрүүлэрин new.jkhsakha.ru официальнай саайт тус кабинетын уонна «СӨ ОДьКХ» тэрилтэ мобильнай сыһыарыытын нөҥүө биэриэххэ сөп. Көрдөрүүлэри кэмигэр уонна чуолкайдык биэрии, дьиҥнээхтик туһаныллыбыт өҥөлөрү сөпкө ааҕарга уонна суоттуурга наадалаах диэн тэрилтэ исписэлиистэрэ санаттылар.

Саха сиригэр РФ Бэрэсидьиэнэ МАХ нөҥүө электроннай суруйтарыы, онлайн-өҥөлөр тиһигин сайыннарыы, Владимир Путин көҕүлээбит «Цифровизация» национальнай бырайыагын сыалларын уонна соруктарын толоруу чэрчитинэн олоххо киллэриллэр. Бу үлэ ону таһынан Ил Дархан Айсен Николаев бигэргэппит экэниэмикэ, социальнай эйгэ уонна судаарыстыбаннай салайыы салааларын сыыппараҕа уларытан тутуу эйгэтигэр стратегиятын чэрчитинэн ыытыллар. Национальнай МАХ мессенджер өрөспүүбүлүкэ бүтүннүүтүгэр суолталаах официальнай былаһааккатынан буолар.