Хаартыска: sakha.gov.ru саайтан
«ЗдравКонтроль» федеральнай бырайыак чэрчитинэн Саха сиригэр 2023 сыл кулун тутарыттан ыарыһахтар миэдиктэри кытта наадаларын быһаарсалларыгар анаан анал чааттар тэриллибиттэрэ.
Билигин Telegram мессенджер «Якутск. Здоровье» уонна «Саха. Здоровье» мэдиссиинискэй чааттарыгар 5 тыһ. тахса киһи баар.
“Мэдиссиинискэй чааттар көмөлөрүнэн дьон интэриэһиргиир ыйытыыларыгар хоруй ылаллар. Балыыһалар исписэлиистэрэ суһаллык киирбит ыйытыыларга хоруйдаан иһэллэр”, — диэн бэлиэтээтэ доруобуйа харыстабылын миниистирэ Лена Афанасьева.
«Саха. Здоровье» чаакка Дьокуускайга баар мэдтэрилтэлэртэн уратылар бары холбоно сылдьаллар. Оттон киин куоракка баар мэдтэрилтэлэр «Якутск. Здоровье» чат нөҥүө эн ыйытыыгар хоруйдуохтара.
Мэдчааттар көмөлөрүнэн, дьон хас да кыһалҕаттан куотунар: быраастарга суруттаран баран өр күүтүүттэн, бырааһы дьиэҕэ ыҥырыы уустугуттан, этика уонна деонтология кэһиллиититтэн, төлөбүрдээх өҥөнөн туһаннара сатааһынтан, консультацияҕа уонна бэрэбиэркэҕэ ыытыы суоҕуттан, о.д.а.
Мэдчаакка бэнидиэнньиктэн субуотаҕа диэри 08:00 чаастан 20:00 чааска диэри суруйан ыйыталаһыаххытын сөп.
Мэдчааттарга маннык сигэлэринэн киирэҕит:
https://clck.ru/33jApz — «Якутск. Здоровье» (Дьокуускайга баар медтэрилтэлэр);
https://clck.ru/33jAq2 — «Саха. Здоровье»
Чааттарга диагноһы туруоруу, мэдиссиинискэй мэктиэлээһиннэр, эми анааһын, төлөбүрдээх өҥө сыаната, балыыһаҕа киллэрии, суһал көмөнү ыҥырыы курдук ыйытыылар көрүллүбүттэр.
«ЗдравКонтроль» федеральнай бырайыак сүрүн сыала – ыарыһах мэдтэрилтэни кытта быһа кэпсэтиитин тэрийии, ол эбэтэр мэдиссиинискэй көмө хаачыстыбатын үрдэтии буолар, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…