Саха сирин олохтоохторо онкологияҕа көмөнү ылаары 42 тыһ. тахсата амбулаторияҕа сырыттылар

Быйыл Дьокуускайдааҕы онкодиспансер иһигэр онкология көмөтүн амбулаторнай кииннэрэ (ЦАОП) киирдилэр. Онон кииннэнэн 42 тыһыынчатан тахсата сырыттылар, диэн СӨ Доруобуйа харыстабылын министиэристибэтэ иһитиннэрэр.

ЦАОП исписэлиистэрин көмөлөрүнэн саҥа үөскээн эрэр искэҥи 388 ыарыһаххха буллулар. Онкологтар этэллэринэн, бу ыарыһахтары ситиһиилээхтик эмтииргэ уонна толору үтүөрдэргэ көмөлөһөр. Кииннэри холбооһун түмүгэр 1,5-2 төгүл пациеннары чинчийии бириэмэтэ аччаата.

Дьокуускайдааҕы онкодиспансер чахчытынан, бүгүн учуокка 15 тыһыынчаттан тахса киһи турар.

“Онкологияҕа көмөнү тэрийиигэ саҥалыы сыһыан көмөтүнэн ыарыһахтары диагностааһыҥҥа уонна эмтээһиҥҥэ үчүгэй түмүктэр ситиһиллэллэр”, — диэтэ Саха сирин доруобуйа харыстабылын миниистирэ Лена Афанасьева. Билигин Саха сиригэр онкокөмө 17 киинэ үлэлиир, итинтэн 14-дэ оройуоннарга.

Санаттахха, дойду Бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыагын чэрчитинэн онкологическай көмө амбулаторнай кииннэрэ тэриллэллэр.

Саха Өрөспүүбүлүкэтин Ил Дарханын уонна  Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/12290