Хаартыска: СИА.
Ааспыт сууккаҕа ИДьМ Саха сиринээҕи салаатын дьуһуурунай чааһыгар өрөспүүбүлүкэ түөрт олохтооҕо үҥсүү киллэрдэ. Кинилэр барыта холбоон 4 307 824 солк. харчыны түөкүттэргэ албыннаппыттар. Ол туһунан ИДьМ Саха сиринээҕи салаатын пресс-сулууспата иһитиннэрэр.
Ол курдук, Дьокуускай куорат 32 саастаах олохтооҕо биллэриинэн саайт нөҥүө квадрокоптер атыылаһаары түөкүттэргэ түбэспит. Кин счетуттан 66 000 солк. тахса харчы уоруллубут.
Киин куорат биир оскуолатын 68 саастаах учууталыгар түөкүттэр кини аатыгар биллибэт дьон кирэдьиит ыла сатыылларын эппиттэрин итэҕэйбит. Инньэ гынан түөкүттэр дьиҥнээхтии кирэдьиит ылларбыттар уонна үбү барытын бэйэлэригэр «куттала суох счекка» ыыттарбыттар. Суумата даҕаны кырата суох – 1 850 000 солк.
Мииринэй 48 саастаах олохтооҕо 91 000 солкуобайыттан маппыт. Дьокуускай куорат олохтооҕун курдук биллэриинэн саайт нөҥүө бассаейн ыла сатаабыт.
Оттон Ленскэй оройуонун 70 саастаах бырааһа 2 350 000 солкуобай иэс ылбыт харчытын сүтэрбит. Кинини эмиэ Дьокуускай куорат олохтооҕун курдук, биллибэт дьон кини аатыгар кирэдьиит ылан эрэллэринэн куттааннар, угаайыларыгар киллэрбиттэр.
Бу быһылааннартан көстөрүнэн, психологтар чинчийиилэринэн, сиэртибэлэр уратыларын көрөбүт. Санатар буоллахха, ИДьМ Саха сиринээҕи салаатын көҕүлээһининэн СӨ нэһилиэнньэтигэр психологическай көмөнү оҥоруу киинэ чинчийэр үлэни ыытар. Ол түмүгүнэн нэһилиэнньэни сэрэтии үлэтин көдьүүһүн үрдэтии дьаһаллара ылыллыахтара.
Түөкүттэр угаайыларыгар үгүстүк саастаах дьахталлар киирэн биэрэллэрэ бэлиэтэнэр. Бу дьон дойду ыһыллар, улахан экэнэмиичэскэй содуллаах ырыынак сыһаннаһыыта киирэр кэмигэр – инфляция, дефолт, о.д.а кэмнэригэр олорбут дьон буолаллар. Итини таһынан, эмсэҕэлээбиттэр үгүстэрэ бүддьүөт үлэһиттэрэ (үөрэхтээһин, мэдиссиинэ, о.д.а.) «дьиикэй ырыынак» кэлэригэр күөгэйэр күннэригэр сылдьан урут, аан бастаан «МММ» курдук үп түөкүннээһинин билбит «сүрэх баастаах» дьон. Ол иһин ол кэмнээҕи көлүөнэ, туга да суох хаалыахпыт диэн куттанан, албын-көлдьүн дьон угаайытыгар киирэн биэрэр диэн психологтар быһаараллар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…