Хаартыска: www.sakha.gov.ru
Арассыыйа үрдүнэн Красногорскайга “Крокус Сити Холл” комплекска теракт кэмигэр өлбүттэри кэриэстээн, “Туруйалар” аахсыйаны биллэрдилэр. Дьокуускайга кулун тутар 25 күнүгэр, “Туруйалар Ильмень күөл үрдүнэн” мемориал-искибиэргэ өрөспүүбүлүкэ ыччата, устудьуоннар, Эдэр Гвардия чилиэннэрэ сибэкки уурдулар.
“Бу бүтүн дойдуга уонна кини олохтоохторугар улахан алдьархай. Биһиги туора туран хаалбатыбыт, биһиэхэ син биир буолбатаҕын көрдөрдүбүт. Бу уустук түгэҥҥэ бары бииргэ түмсүөхтээхпит, бэйэ-бэйэбитин өйөһүөхтээхпит, хас биирдии киһи аһыытын үллэстиэхтээхпит. Маны Саха сирин бары ыччата өйдүүр дии саныыбын”, — диэн “Эдэр Гвардия” Саха сиринээҕи салаатын салайааччытын солбуйааччы Максим Колесов бэлиэтээн эттэ.
Аахсыйа иитинэн Дьокуускай куорат киинигэр “Киин” киинэ тыйаатырын экраныгар халлааҥҥа көтөн эрэр маҥан туруйалар уруһуйдарын көрдөрдүлэр. Кыайыы болуоссатыгар теракттан суорума суолламмыттары кэриэстээһин бэлиэтигэр Москва дьоруой-куорат мемориальнай билиитэтигэр сибэкки уураллар, чүмэчи уматаллар. Аахсыйаҕа улуустар кыттыһаллар.
“ССРС норуодунай артыыһа Муслим Магомаев, кини чиэһигэр кэнсиэртиир саала ааттаммыта, “Туруйалар” ырыаны толорооччунан – өлөн баран көтөргө кубулуйбут саллааттар туһунан балладанан киэҥник биллэр. Композиция минорнай, ол эрээри, сүрүн матыыба – өскөтүн биһиги кинилэр тустарынан өйдүү сылдьар буоллахпытына өлбөт-сүппэт үйэлэнэллэр”, — диэн #МЫВМЕСТЕ хамсааһын, Волонтердар ассоциацияларын киинин волонтера Анастасия Брайловская этэр.
Аахсыйаҕа кыттарга кумааҕыттан туруйа оҥорор, көтөрү уруһуйдуур эбэтэр бэйэ барыйаанын оҥорон ону социальнай ситимнэринэн үллэстэр ирдэнэр. Холобур, социальнай ситимнэргэ аватарга туруйа хартыынатын туруоруллар.
Красногорскайга “Крокус Сити Холл” кэнсиэртиир саалаҕа кулун тутар 22 күнүн киэһэ саба түспүттэрэ. Бу 2004 сыллаахха Беслан оскуолатыгар буолбут быһылаан кэнниттэн, Арассыыйа устуоруйатыгар улахан теракт буолар.
Ил Дархан уонна Бырабыыталыстыба пресс- сулууспата.
Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…