Саха сирин олохтоохторо түөкүттэри 2,5 мөл. тахса солк. суумаҕа байыттылар

Икки күн иһигэр Саха сирин олохтоохторо түөкүттэргэ 2,5 мөлүйүөнтэн тахса суума харчыны ыыттылар.

Ол курдук, аэропуорт 24 саастаах диспетчера кирэдьиит оҥотторон, түөкүттэргэ уопсайа 70 000 солк. кэриҥэ харчыны ыыппыта билиннэ. Оттон 46 саастаах охранник 2 000 000 солк. тахса суумалаах кирэдьиити түөкүттэргэ ыытан, улахан суума харчытын сүтэрдэ.

Киин куоракка 51 саастаах консьержка «Центробанк» үлэһитэ буолан кубулуммут түөкүттэргэ 300 000 солк. ыыппыта регистрацияланна. Түмүгэр улахан суумалаах кирэдьиит харчытын сүтэрдэ. Бары киирбит сайабылыанньаларынан холуобунай дьыала тэрилиннэ диэн ИДьМ пресс-сулууспата суруйар.