Саха сирин олохтоохторо «Улуу Кыайыы пуойаһа» көһө сылдьар мусуой-быыстапканы кытта билсиэхтэрэ

Саха сиригэр «Улуу Кыайыы пуойаһа» көһө сылдьар мусуой-быыстапка кэлиэҕэ.

Пуойас балаҕан ыйын 13-15 күннэригэр Нерюнгри куоракка тохтоон ааһыаҕа.

Экспозиция Нерюнгри куоракка үлэтин кыраапыга:

13.09.2024 – 10.00 чаастан 19.00 чааска диэри, бүтэһик бөлөх 18:20

14.09.2024 – 10.00 чаастан 19.00 чааска диэри, бүтэһик бөлөх 18:20

15.09.2024 – 10.00 чаастан 19.00 чааска диэри, бүтэһик бөлөх 18:20

Аҕа дойду Улуу сэриитин  тиэмэтигэр анаммыт 10 вагон 1941-1945 сыллар ыар түгэннэригэр эбэтэр бэлиэ түгэннэригэр туһуланар. 2023 сыллаахха пуойас-түмэл байыаннай трибуналлары сырдатар саҥа вагонунан эбиллибитэ. Нюрнберг, Токио уонна Хабаровскай сууттарын көмөтүнэн, нацистскай Германия уонна милитаристскай Япония дьиикэй быһыыларын туһунан аан дойду барыта билбитэ. Кыайыы поезтарын быыстапкатыгар интэриэһи уонна бөлөхтөргө анаан аудио-гидтэр ахсааннара аҕыйаҕын учуоттаан, ыалдьыттар экскурсияны iPhone уонна Android-ка баар мобильнай сыһыарыы нөҥүө эмиэ истиэхтэрин сөп. Бырайыак саайтыгар 3D экскурсияны көрүөххэ сөп.

“Кыайыы пуойаһа” мусуой туһунан бырайыак телеграм-ханаалыгар: https://t.me/poyezd_pobedy киирэн билсиҥ.

Бырайыагы “Невский баталист” айар мастарыскыай хамаандата “Кыһыл болуоссат” медиа-бөлөҕү кытта, РФ наукаҕа уонна үрдүк үөрэхтээһин министиэристибэтин, “РЖД” ААУо уонна “Волонтердар” VOD өйөбүллэринэн олоххо  киирбитэ.

Сиһилии бу бырайыак туһунан https://www.sakha.gov.ru/news/front/view/id/3414208 сигэнэн билсиҥ.