Кириэмил саайтыттан
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа.
Судаарыстыба баһылыга быһа эпииргэ сыл түмүгүн таһаарыаҕа уонна суруналыыстар, ону кытта олохтоохтор ыйытыыларыгар хоруйдуоҕa. Владимир Путиҥҥа ыйытыыны moskva-putinu.ru (москва-путину.рф) саайт нөҥүө биэриэххэ сөп, ону таһынан 0-40-40 нүөмэргэ СМС уонна ММС иһитиннэриилэри ыытыахха эбэтэр 8-800-200-40-40 нүөмэргэ эрийиэххэ сөп.
Ыйытыылары мобильнай сыһыарыы нөҥүө эмиэ ылаллар, ол туһунан саайтан сиһилии билсиэххэ сөп. Ону таһынан, ыйытыылары уонна видеолары «ВКонтакте» уонна «Одноклассники» социальнай ситимнэр нөҥүө ыытыахха сөп. Официальнай бөлөхтөрө vk.com/moskvaputinu уонна ok.ru/moskvaputinu аадырыстарга бааллар. Ону тэҥэ сибээскэ MAX мессенджеригэр max.ru/moskvaputinu сигэтинэн чат-бот үлэлиир.
Быһа эпиир «Первый», «Россия 1», «Россия 24», «НТВ», «ОТР» уонна «Мир» федеральнай телеханаалларынан көстүөҕэ. Эпиири «Маяк», «Вести FM» уонна «Радио России» радиостанциялар нөҥүө эмиэ истиэххэ сөп.
«Владимир Путинныын сыл түмүктэрэ» бырагыраама ахсынньы 19 күнүгэр Москва бириэмэтинэн күн ортотугар эпииргэ тахсыаҕа.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…