“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар дойду Бэрэсидьиэнэ Владимир Путин дойдуга култуураны уонна тылы өйүүллэрин эттэ.
Саха сиригэр 134 национальность уонна этническэй бөлөх олорор. 21 муниципальнай оройуон 70 нэһилиэнньэлээх пуунугар эбэҥкилэр, эбээннэр, чукчалар, долганнар, юкагирдар олороллор. Кинилэри национальнай бырааһынньыктара түмэр.
Саха сирин олохтоохторо бэс ыйыгар “Туймаада Ыһыаҕар” түмсэллэр. “Бакалдын” эбэҥки норуотун Саҥа дьылын уонна “Синилгэн” бастакы хаары көрсүү, “Нёлтэнкэ эбээн табаһыттарын күнү көрсөр бырааһынньыктара, “Эвинэк” Саҥа дьылы, “Шахадьибэ” юкагирдар күнү уруйдуур бырааһынньыктара, “Килвэй” чукотка норуотун уонна “Пэгытти” Саҥа дьылы көрсүү бырааһынньыктара норуоттары түмэр.
Саха сирин норуоттарын түмсэр былаһааккатынан А.Е.Кулаковскай аатынан Норуоттар доҕордоһууларын дьиэтэ буолар.
“Ассамблея народов России” Бүттүүн Арассыыйатааҕы уопсастыбананй-судаарыстыбаннай тэрилтэ эрэгийиэннээҕи салаата уонна Саха сирин Аҕыйах ахсааннаах төрүт норуоттарын ассоциацията ыччаты патриотическай иитиигэ үлэлииллэр. Кинилэр байыаннай дьайыыга гуманитарнай көмөнү оҥроллор.
Саха сиригэр маны тэҥэ быйыл бэс ыйыгар XXV Федеральнай Сабантуй ыытыллан, 50 тыһыынча кэриҥэ киһи кыттыбыта.
Саха сирин норуоттарын тылларын эгэлгэтин харыстааһыҥҥа сыл аайы Саха сирин Ил Дарханын бириэмийэтэ туттарыллар: Кирилл уонна Мефодий, Семен Андреевич Новгородов, Николай Георгиевич Самсонов, Василий Дмитриевич Лебедев, Глафира Макарьевна Василевич, Николай Иванович Спиридонов – Тэки Одулок, Григорий Иванович Вельвин, Николай Матвеевич Артемьев ааттарынан.
sakha.gov.ru
Сиһилии: https://www.sakha.gov.ru/news/17528
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…