Виктория Сергеева хаартыската, СИА.
ИДьМ пресс-сулууспата иһитиннэрбитинэн, ИДьМ холуобунай ирдэбилин управлениетын уонна Бүлүү улууһунааҕы ИДьМ салаатын үлэһиттэрэ буолан Новосибирскайга дьону төлөпүөн нөҥүө албыннаан харчыларын суйдуур аферист-түөкүттэри туппуттар.
Кинилэр аҕам саастаахтары албыннаан ылбыт харчыларын ыытыынан дьарыктаналлар эбит. Биир маннык түөкүннээһин сиэртибэтинэн 66 саастаах Саха сирин олохтооҕо буолбута. Киниэхэ үлэлиир тэрилтэтин салайааччытын аатыттан эрийбиттэр уонна буҕаалтыр бэрэбиэркэтэ бара турарын иһитиннэрбиттэр. Киниэхэ сотору кэминэн дуоһунастаах киһи эрийиэҕэ диэбиттэр. Онно итэҕэйэн, кини баан үлэһитэ буолан кубулунан эрийбит киһи эппитинэн 170 тыһ. солк. уурунуутун барытын ыытан кэбиспит.
Бу криминальнай хайысхалаах дьыалаҕа тутуллубут икки киһи, иккиэн Новосибирскай куорат олохтоохторо кыттыгастаах буолаллара биллибит. Кинилэр эмсэҕэлээбит дьон ыыппыт харчыларын баан каартатыттан усталлар эбиттэр. Бэйэлэрин кэпсээннэринэн, күҥҥэ 30 тыһыынчаттан 3 мөлүйүөҥҥэ тиийэ усталлар эбит. Бу тутуллубут дьон олорор дьиэлэрин ньэнньийбиттэр уонна уонча баан каартатын уонна кумааҕы харчылары булбуттар.
Арассыыйа Федерациятын холуобунай кодексатын 159 ыст. 2 ч. холуобунай дьыала тэриллибит. Уорбаланааччылары тутан Бүлүү улууһугар аҕалыллыахтаахтар. Силиэстийэ салҕанар.
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…