“Арассыыйа – кыахтары сайыннарар дойду” бэрэсидьиэн платформатын Бүтүн Арассыыйатаҕы “Настаабынньыктааһын” диэн саҥа куонкуруһугар регистрацияланыы саҕаланна. Саха сирин олохтоохторо хайдах настаабынньык быһыытынан үлэлииллэрин туһунан кэпсиэхтэрин сөп. Куонкуруһу Арассыыйа үөрэҕин, наукатын министиэристибэлэрэ, Арассыыйа Үлэҕэ министиэристибэтэ уонна Ыччат дьыалаларыгар агентствота тэрийсэллэр.
Бу куонкурус производство, үөрэх, социальнай эйгэлэргэ, уопсастыбаннай үлэҕэ, судаарыстыбаннай уонна муниципальнай сулууспаҕа бастыҥ настаабынньыктары булууга көмөлөһүөҕэ.
Куонкурус икки хайысханан ыытыллыаҕа: “Сыл настаабынньыга”, “Настаабыньыктааһыҥҥа бастыҥ практика”. Хас биирдии хайысхаҕа 4 номинациялаах: настаабынньыктар уонна кинилэр үлэлэрин туһунан.
“Производствоҕа настаабынньык” – сүрүннээн оробуочай идэлэргэ исписэлиистэри үөрэтээччилэр ортолоругар ыытыллар.
“Үөрэх эйгэтин настаабынньыга” диэҥҥэ ханнык баҕарар үөрэх тэрилтэлэрин үлэһиттэрэ кыттыахтарын сөп.
“Социальнай эйгэҕэ уонна уопсастыбаннай үлэҕэ настаабынньык” – доруобуйа харыстабылын, култуура, успуорт, социальнай көмүскэл, ыччат бэлиитикэтин эйгэлэригэр профильнай эспиэрдэр номинациялара.
“Сулууспаҕа настаабынньык” номинацияҕа кыттарга судаарыстыбаннай былаас, муниципальнай былаас, олохтоох салайыныы, муниципальнай уокуруктар, куорат уокуруктарын бэрэстэбиитэллэрэ кытталлар.
Бу куонкурус тэриллэрин туһунан Калугаҕа Настаабынньыктар Бүтүн Арассыыйатааҕы бастакы сийиэстэригэр этиллибитэ. Онно 2030 сылга диэри настаабынньыктааһыны сайыннарыы кэнсиэпсийэтин дьүүллэһии сүрүн тиэмэнэн буолбута. Настаабынньыктар хамсааһыннарын Арассыыйа Федерациятын Бэрэсидьиэнэ Владимир Путин көҕүлээбитэ.
“Россия – страна возможностей” АНО генеральнай дириэктэрин бастакы солбуйааччы Алексей Агафонов саҥа куонкурус туһунан кэпсээбитэ. Кини 2018 сылтан “Сенеж” салайыы мастарыскыайыгар үлэлиир “Настаабынньыктааһын” бырагырааманы холобурдаабыта. Манна Арассыыйа 62 эрэгийиэниттэн 1400 тахса киһи үөрэммит. Кыттааччылар 300 тахса волонтерскай уонна социальнай бырайыактары үлэлэппиттэр.
Бу куонкуруска 18 саастарын туолбут Саха сирин олохтоохторо эмиэ кыттыахтарын сөп. Бүтүн Арассыыйатааҕы куонкуруска кыттыы туһунан https://nastavnik.rsv.ru саайтка киирэн ааҕыҥ. Алтынньы 25 күнүгэр диэри регистрация ыытыллар.
Регистрацияламмыттар алтынньы 27 күнүгэр диэри ыытыллар сүүмэрдиир түһүмэххэ кытталлар.
Куонкурус түмүктүүр түһүмэҕэ 2024 сыл ахсынньы 17-19 күннэригэр “Настаабынньыктар бэстибээллэрэ” көрүҥүнэн барыаҕа уонна куонкурус икки хайысхатынан 100 кыайыылааҕы түмүөҕэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбтаны пресс-сулууспата.
Күн бэҕэһээҥҥэ диэри сүүрэ-көтө, кэпсэтэ-ипсэтэ, мэлдьи солото-бокуойа суох элэстэнэ сылдьыбыт үөлээннээҕим да буолбатар, бэккэ билэр,…
Хаҥалас пиэрмэрэ татаар суруналыыстарыгар күөрчэх ытыйтарда, сыр буһартарда Өҥ сирдээх Хаҥалас улууһун Хоточчутугар Татарстаантан кэлбит…
Өрөспүүбүлүкэ ойуур баһаарын утары охсуһар күүһүн-кыаҕын сыллата улаатыннаран, кэҥэтэн иһэр. Былырыын РФ Бэрэсидьиэнэ Владимир Путин…
Биһиги аҕабыт Иванов Спиридон Дмитрьевич 1917 сыллаахха Арҕаа Хаҥалас улууһугар Өктөм нэhилиэгэр дьадаҥы бааhынай кэргэҥҥэ…
Бүгүн, муус устар 20 күнүгэр, Дьокуускайга Арчы дьиэтигэр уочараттаах Кыайыы Оһуокайа өрө көтөҕүллүүлээхтик ыытылынна. Бу…
Ыал буолбуттара 20, 30, 40, 50 сыл буолбут диэн сонуну бары сэргии, үөрэ-көтө истээччибит. Олортон…