Саха сирин олохтоохторун «Оонньууну саҕалаа» Бүтүн Арассыыйатааҕы куонкуруска ыҥыраллар

«Россия -– страна возможностей» диэн бэрэсидьиэн Владимир Путин платформатын «Оонньууну саҕалаа» бырайыагын үһүс сезонугар регистрация саҕаланна. Бырайыак «Үөрэхтээһин» национальнай бырайыак «Хас биирдии киһиэхэ социальнай лииптэр» федеральнай бырайыак чэрчитинэн олоххо киллэриллэр.

Куонкуруска 14 саастарыттан кытталлар уонна «Оонньууларда оҥорор» девиһинэн ыытыллар.
Регистрация «начниигру.рф» платформаҕа 2024 сыл алтынньы 14 күнүгэр диэри буолар. «Оонньуулары оҥорооччу» трек — санаалары киллэрииттэн оонньууга диэри хамаандалары тэрийэргэ эрэллээх суол. Ол түмүгэр көмпүүтэр уонна мобильнай оонньуулар демоверсиялара, ону сэргэ остуол оонньууларын прототиптара баар буолуохтара.

«Оонньууну саҕалаа» куонкурус үһүс сезона видео уонна остуол оонньууларын оҥоруу төрүттэрин билэр саҥа саҕалааччыларга уонна бэйэлэрин инвестордарга, үлэни биэрээччилэргэ биллэриэн баҕалаах уопуттаах исписэлиистэргэ туһалаах буолуоҕа. Биһиги туһалаах оонньууларынан тулалыыр эйгэни уларытарга бэлэм уонна инникитин бэйэтин оонньуу индустриятыгар көрөр көхтөөх ыччаты күүтэбит», -– диэн «Россия -– страна возможностей» АНО генеральнай дириэктэрин бастакы солбуйааччы Алексей Агафонов «Оонньууну саҕалаа» Бүтүн Арассыыйатааҕы куонкурус үһүс сезонугар кыттарга ыҥырар.

«Оонньууну саҕалаа» Бүтүн Арассыыйатааҕы куонкурус икки сезонугар Саха сирин 443 олохтооҕо кыттыбыта. Оонньуулары соҕотоҕун эбэтэр 10 киһилээх хамаанданан оҥоруохха сөп. Оттон хамаандаҕа бакаансыйалар баар буоллахтарына -– атын исписэлиистэр кыттыһыахтарын сөп.