Хаартыска: «Экстра Синема» хампаанньа
LED эйгэтигэр Саха сириттэн «Экстра Синема» хампаанньа аан дойду биир бастыҥ лидерэ, Кытай AOTO Electronic Co LTD корпорациятын кытта партнердаһан, сырдыгынан диодтаах киинэ экрааннарын туспа линейкатын таһаарар. Бу туһунан хампаанньа пресс-сулууспата иһитиннэрэр.
Бииргэ үлэлэһэр туһунан сөбүлэҥи «Экстра Синема» генеральнай дириэктэрэ Петр Чиряев уонна AOTO Electronic Co LTD бэрэсидьиэнэ Ричард Янг илии баттаатылар.
Бу бииргэ үлэлэһии чэрчитинэн өрүттэр «Экстра Синема» технологиятынан сырдыгынан диодтаах киинэ экрааннарын бииргэ оҥоруунан дьарыктаныахтара. AOTO киинэ индустриятыгар аналлаах LED-экрааннар аан дойдутааҕы ырыынагар биир бастыҥ хампаанньанан буолар. Корпорация технологиялара норуоттар икки ардыларынааҕы стандардарга эппиэттиир уһулуччу үчүгэйдик өҥү биэрэллэринэн, үрдүк контрастнаһынан, сыыһа-халты көстүүтэ суоҕунан уонна «пикселтан пикселгэ» диэри чопчу ойууну көрдөрөрүнэн биллэллэр.
«AOTO-ны кытта бииргэ биһиги «Экстра Синема» премиальнай киинэ саалаларыгар анаан экрааннар туспа линейкаларын оҥорон таһаарыахпыт. Үлэ номнуо бара турар, уонна чугастааҕы кэмҥэ Арассыыйа-Кытай күрэстэһэр кыахтаах кэммиэрчэскэй бородууктата үөскүөҕэ. Кини ойуутун хаачыстыбатынан аан дойду бастыҥ LED-экрааннарыгар тулуйбат эрэ буолбакка, DCI стандардарын таһынан тахсан, куттала суох буолуутунан баһыйар да буолуоҕа», — диэн Петр Чиряев бэлиэтээтэ. Саҥа экрааннар «Экстра Синема» премиальнай линейкатыгар киириэхтэрэ уонна AOTO LED-технологиятын бастыҥ өрүттэрин дьүөрэлиэхтэрэ.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…