https://beinopen.institute/fashionprogram25
Былырыын Саха сирин сайдыытын Корпорацията уонна Beinopen институт, бүтүн Арассыыйаҕа холобур буолар кыахтаах олохтоох бреннэри өйүүр ураты бырагырааманы олоххо киллэрбиттэрэ. Бырагыраама ураты тыыннаах бырайыактары көрдүүр уонна саҥа таһымҥа тахсалларыгар күүс-көмө буолар.
Бырагыраама бастакы түһүмэҕэ былырыын түмүктэнэн, уопсайа 60-тан тахса сайаапка киирбитэ. Босхо үөрэххэ 32 бренд сүүмэрдээһини ааһан, финалга 17 кыттааччы тахсыбыта. Түмүгэр Eikirie, Knit & Fit, Inniki, Cold Ink уонна икки ювелирнай бренд – So Cold уонна Sokolnikov кыайыылааҕынан ааттаммыттара.
Билигин бырагыраама кыттыылаахтарын табаардара Poison Drop ювелирнай универмагка атыыланаллар. Оттон муус устар 19 күнүгэр
Trend Island маҕаһыыҥҥа таҥастарын кэлиэксийэтин көрдөрүөхтэрэ.
Күн бүгүн саха муодата аҥаардастыы эрэгийиэннээҕи хайысха буолбатах, бу сүдү суолталаах култуура көстүүтэ. Саха сирин бреннэрин устуоруйата – бу аныгы үйэҕэ үгэстэр хайдах уларыйалларын холобура.
Eikirie хотугу норуоттар — дьүкээгирдэр култуураларынан, олохторунан-дьаһахтарынан угуттанар. Дизайнер Надежда Докторова кинилэр култуураларын өйдөөн, быһааран, дириҥ этнографическай куодтаах кэлиэксийэлэри айан таһаарар.
Knit&Fit табыгастаах, судургу таҥаһы оҥорон таһаарар. Кинилэр кэлиэксийэлэрэ Арассыыйа айылҕатын пааматынньыктарыгар анаммыттар – Байкалтан саҕалаан Өлүөнэ очуостарыгар тиийэ. Сахалыы уруһуйдаах таҥастарын тас дойдулартан эмиэ хамаҕатык атыылаһаллар.
So Cold үгэс буолбут ымыылары аныгы киэргэллэргэ кубулуппутун, билигин Инстасамка, OG BUDA уонна да атын биллэр-көстөр дьоннор сөбүлээн кэтэллэр. Алгыс сиэрэ-туома, ытык бэлиэлэр — бу барыта бренди киэргэл эрэ буолбакка, култуура чааһын быһыытынан оҥорор.
Sokolnikov минимализм эстетикатын оҕо саас өйдөбүлүн кытта ситимниир. Кинилэр ювелирнай кэлиэксийэлэригэр хас биирдии саха киһитэ билэр бэлиэлэрин – үгэс буолбут чороонтон саҕалаан сайыҥҥы куйаас күҥҥэ хомуллубут дьэдьэн уобараһын көрүөххэ сөп.
Саха муодата – бу таҥас эрэ буолбатах, бу көлүөнэлэр, култууралар, дойдулар алтыһыылара.
Саха сирэ хайыы үйэ тренд оҥорон, атын эрэгийиэннэр кини суолун батыһыахтарын сөп
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…