ЯСИА хаартыската
Быйыл Саха сирин оскуолаларыгар мэдиссиинэ хосторун үлэлэрин сөргүттүлэр.
Маннык үлэни саҕалыырга Ил Дархан Анал этиитэ улаханнык көҕүлээтэ. СӨ доруобуйа харыстабылын министиэристибэтэ бу хайысхаҕа үлэни тута саҕалаабыта. Ол түмүгэр бүгүн оскуолаларга барыта 96 мэдиссиинэ хоһо үлэлиир. Маныаха Саха сирэ Арассыыйаҕа оскуолаларга мэдиссиинэ тиһиктээх, ситимнээх үлэтин сөргүтүүнү бастакынан саҕалаабыт эрэгийиэнинэн буолар. Бу туһунан СӨ доруобуйа харыстабылын министиэристибэтиттэн иһитиннэрэллэр.
—Оскуолаҕа мэдиссиинэни хосторун сөргүтүү — бу үүнэр көлүөнэ чэгиэн буоларын туһугар кыһамньы. Оҕолор доруобуйалара — биһиги эрэгийиэммит инникитэ буоларын өйдүүбүт. Ол иһин оскуолаларга мэдиссиинэ кабинеттара хаачыстыбалаах көмөнү оҥорор кыахтаах подразделениелар буолалларыгар күүспүтүн уурдубут, — диэн бэлиэтиир доруобуйа харыстабылын миниистирэ Лена Афанасьева.
Оҕо быраастара бэлиэтииллэринэн, кэнники уонунан сылларга үөрэнээччилэр доруобуйалара мөлтөөбүт. Оҕо оскуолаҕа сылдьан номнуо доруобуйата үчүгэйэ суоҕа этиллэр. Ол курдук, тутта-хапта сылдьар быһыыта-таһаата, хараҕа мөлтүүр, сылайыыттан, ноҕоруускаттан ыалдьаллара, куртаҕы-оһоҕоһу кытта сибээстээх ыарыылар, уойуу бэлиэтэнэллэр. Онон оскуолаҕа мэдиссиинэ хоһун арыйыы боппуруоһа сытыытык турбут.
Манна даҕатан эттэххэ, элбэх оскуолаҕа мэдиссиинэ хоһо үлэлээбэт буолбута ырааппыт, исписэлиистэр да суохтара диэн бэлиэтэнэр. Онуоха тустаах министиэристибэ, ТФОМС, улуустар дьаһалталарын бэрэстэбиитэллэрэ кыттыылаах бу боппуруоһу быһаарыы түргэн кэм иһигэр ыытыллыбыт. Ол түмүгэр үөрэх дьыла саҕаланыытыгар былааннаммыт 96 хос бэлэм буолбут. Каадырдары талыыга тустаах министиэристибэ ХИФУ уонна мэдиссиинэ кэллиэһин бүтэрбит выпускниктары көхтөөхтүк кытыннарбыт.
Сиһилии: https://www.sakha.gov.ru/news/17462
СӨ Ил Дарханын уонна Бырабыыталыстыбатын пресс-сулууспата
СӨ "Оһуокай" түмсүү үтүөлээх этээччитэ, 60-ча сыл устата тохтоло суох кэрэ ырыатынан үөрдэ сылдьар Евгения…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
В.Г. Белинскэй аатынан Кыраайы үөрэтэр бибилэтиэкэ бэйэтин ааҕааччыларын айылҕаттан айдарыылаах айар куттаах дьону кытта сотору-сотору…
2025 сыл түмүгүнэн Алмазэргиэнбаан дойду үп ырыынагар бигэ тирэхтэннэ уонна Арассыыйа топ-100 баанын иһигэр киирдэ.…
Саҥа сылы көрсө бүгүн, ахсынньы 19 күнүгэр, Ил Дархан Айсен Николаев РФ уонна Саха Өрөспүүбүлүкэтин…
Бэйэлэрин кыайан туттуммат дьоҥҥо Госдума маннык сокуону ылынна. Азартаах оонньуулартан босхолонуон баҕарар киһи бэйэтигэр бобууну…