Хаартыска СӨ Бырабыыталыстыбатын пресс-сулууспатыттан
Саха сиригэр хас биирдии оҕоҕо хаачыстыбалаах үөрэҕи хааччыйар кини баҕатыгар уонна интэриэһигэр сөп түбэһэр эйгэ оҥоһуллар диэн СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр. Бу үлэ «Аныгы оскуола», «Хас биирдии оҕо ситиһиитэ», «Цифровой үөрэх эйгэтэ», «РФ гражданнарын патриотическай иитии» национальнай бырайыактар чэрчилэринэн ыытыллар.
Билигин өрөспүүбүлүкэҕэ 9 оскуола тутулла турар. Тэрилтэлэргэ хапытаалынай уонна быстах өрөмүөннэр ыытылыннылар. 6 успуорт саалата саҥардыллан өрөмүөннэннэ, 36 эбийиэккэ оскуола спортивнай кулууптара үлэлииллэр. 10 оскуолаҕа аһаҕас спортивнай тутуулар өрөмүөннэннилэр итиэннэ инвентарынан уонна оборудованиенан хааччылыннылар.
Аҥардас 2024 сылга цифровой үөрэхтээһин эйгэтэ өссө 40 үөрэх тэрилтэтигэр киирдэ. Оскуолаларга аныгы оборудованиелар турдулар, үөрэхтээһиҥҥэ цифровизация ситимэ киирдэ.
Оскуолаларга «Точка роста» 68 киинэ аһылынна, Дьокуускайга уонна Нерюнгрига 3 оскуола Кванториума, Аллараа Бэстээххэ «IT-куб» Оҕолорго цифровой үөрэхтээһин киинэ аһылыннылар.
Эбии уопсай сайдыы бырагыраамаларын олоххо киллэриигэ 1400 саҥа миэстэ тэрилиннэ, мастарыскыайдар аһылыннылар, 3 коррекционнай оскуолаҕа үөрэтэр оборудование ылылынна.
Бырайыак чэрчитинэн 598 оскуолаҕа иитэр үлэҕэ дириэктэрдэр сүбэһиттэрэ, 2 мөл. солк. төлөбүрдээх 17 «земскэй учуутал» үлэлэрин саҕалаатылар.
Санатан эттэххэ, өрөспүүбүлүкэ үрдүнэн 2019-2023 сылларга «Үөрэхтээһин» национальнай бырайыак «Аныгы оскуола» бырайыагын чэрчитинэн 4745 миэстэлээх 18 оскуола тутулунна.
2021 сылтан С.Н. Донской-II аатынан Үөрэхтээһини сайыннарыы уонна квалификацияны үрдэтии институтун баазатыгар педагогическай маастарыстыбаны тохтоло суох үрдэтэр киин аһыллыбыта.
2019-2024 сс. тыа сирин уонна кыра куораттар үөрэхтэрин тэрилтэлэригэр барыта 451 «Точка роста» Цифровой, гуманитарнай, естественно-научнай, технологическай хайысхалаах киинэ тэрилиннэ, ол уопсай үөрэхтээһин тэрилтэтин 87,7% хабар. Ону тэҥэ Саха-политехническай лиссиэй, Дьокуускай куорат 2 уонна 13 №-дээх орто оскуолаларын, Нерюнгри куорат Информационнай-тэхэньиичэскэй лиссиэйин баазаларыгар «Кванториум» 4 оҕо технопаарката тэрилиннэ.
«Цифровой үөрэхтээһин эйгэтэ» бырайыагынан 386 оскуола эбэтэр уопсай үөрэх тэрилтэлэрин 62%-на хааччылынна. Дьокуускайдааҕы оҕо айымньытын дыбарыаһыгар «Кванториум» 2 оҕо технопарката үлэлиир, олортон биирдэрэ мобильнай технопаарка, муниципальнай оройуоннарга 15 оҕо технопаарката, 4 «IT-куб» киин аһылынна.
«Доруобуйаларынан хааччахтаах оҕолор үөрэхтэрин өйөөһүн» бырайыагынан 14 коррекционнай оскуола мастарыскыайынан уонна үөрэтэр оборудованиенан хааччылынна. «Үөрэхтээһин» Бэрэсидьиэн национальнай бырайыага 2019 сылтан олоххо киирэр. Бу бырайыагы дойду Бэрэсидьиэнэ Владимир Путин көҕүлээһининэн ыытыллар.
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Горнай улууһун Маҕарас сэлиэнньэтин элбэх оҕолоох ыаллара, 34 саастаах Саргылаана уонна Айтал Никаноровтар “Дьиэ кэргэн-2025”…
Сэтинньи 4-6 күннэригэр Дьокуускайга фашизмы утары өрөспүүбүлүкэтээҕи III пуорум буолаары турар. Дьокуускайга "Норуот уонна аармыйа…
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…
Бүгүн, сэтинньи 3 күнүгэр, байыаннай дьайыы 25 байыаһын П.Ойуунускай аатынан норуоттар икки ардыларынааҕы аэропорка көрүстүлэр.…