Хаартыска: Нам улууһун дьаһалтатын пресс-сулууспата
Атырдьах ыйын 24 күнүгэр Нам улууһун киинигэр «Эҥсиэли» култуура уонна сынньалаҥ пааркатыгар Саха сирин оскуолаларын 1977-1994 сылларга бүтэрбит выпускниктар бастакы бэстибээлэ буолан ааста.
Бэстибээл киэҥ спортивнай- култуурунай бырагыраамалаах тэрилиннэ диэн Нам улууһун дьаһалтатын пресс-сулууспата суруйар. Бэстибээл кыттыылаахтарын Нам улууһун баһылыга Юрий Слепцов, «Выпускники школ Якутии” ЯРОО бэрэссэдээтэлэ Альберт Соров эҕэрдэлээтилэр. Тэрээһин кэмигэр Альберт Соров уопсастыба көхтөөх выпускниктарыгар РФ сенатора Сахамин Миланович Афанасьев аатыттан Махтал суруктары туттарда.
Араас көлүөнэ дьон Саха сирин улуустарыттан уонна куораттарыттан Эҥсиэли хочотугар успуорт көрүҥнэригэр күрэхтэстилэр, култуурунай тэрээһиннэргэ көхтөөхтүк кытыннылар. Саха сирин оскуолаларын 1977-1994 сылларга бүтэрбит выпускниктар көһө сылдьар Куубагын Нам улууһун баһылыга Юрий Слепцов Чурапчы улууһун баһылыгын солбуйааччытыгар Афанасий Дьячковскайга туттарда. Выпускниктар бэстибээлэ эһиил, 2025 сылга, Чурапчы улууһугар ыытылларын иһитиннэрдилэр.
Видео: Нам улууһун дьаһалтатын пресс-сулууспата
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…