Мария Васильева түһэриитэ (СИА)
«Якт-Сокол» хампаанньа ТОР «Патриотическая» судаарыстыбаннай көмөтүн миэрэлэрин туһанан байыаннай дьайыыга 288 устуука «Якт-Сокол Пикап 1.5» квадроциклы ыытта.
Вездехоттар тус састаап саһа сылдьан бойобуой саппааһы, эми-тому тиэрдиигэ анаан айанныырыгар туһуламмыттар. Маны таһынан бааһырбыт байыастары таһаарыыга, суһал наадаҕа анаммыттар. Уһук Илиҥҥи тэрилтэ бородууксуйата байыаннай дьайыыга олус табыгастааҕынан бэлиэтэммит. Ол курдук, тыаһа-ууһа кыратынан уонна түргэнинэн сыаналаммыт. Бырайыак Арассыыйа Минвостокразвитие уонна Уһук Илини уонна Арктиканы, СӨ быраабыталыстыбатын сайыннарыы корпорацияларын ТОР «Патриотическая» судаарыстыбаннай өйөбүлүн миэрэлэрин олоххо киллэрии чэрчитинэн оҥоһуллар.
«Биһиги уолаттарбытыгар бойобуой саппааһы, тэрили, ону сэргэ Уһук Илиҥҥи тэрилтэлэр оҥорон таһаарбыт, олор истэригэр ТОР «Патриотическай» резидент бородууксуйаларын тиэрдэбит. Фронтан бу тэриллэрбит хайҕанар сурахтарын истэбит. Үлэм сүнньүнэн айаҥҥа сылдьан тэрилтэлэргэ сылдьыбытым, оҥорон таһаарыы үлэтин көрбүтүм. Биһиги снегоболотоходтары, квадроцикллары байыаннай дьайыыга тиэрдибиппит. Көхтөөх уонна хаачыстыбалаах үлэлэрин иһин «Якт-Сокол» «»Уһук Илин Сулуһунан» наҕараадаламмыта. Тэрилтэ «Все для победы» номинацияҕа кыайбыта. Биһиги кыайыахтаахпыт, сэрии бүтүөхтээх диэн санаалаахпыт», — диэн Уһук Илин уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев санаатын үллэһиннэ.
«Якт-Сокол» тэрилтэ дириэктэрэ Станислав Соколов этэринэн, оҥорон таһаарыы ситиһиитигэр сүрүн оруолу «Патриотическая» ТОР өйөбүлэ оҥорбут.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…