Саха сирин педагогтара Бүтүн Арассыыйатааҕы “Мин бастыҥ уруогум” күөн күрэскэ ситиһиилээхтик кытыннылар

Саха сирин кыттааччылара соторутааҕыта Москва куоракка ыытыллыбыт Бүтүн Арассыыйатааҕы “Мин бастыҥ уруогум” педагог идэтин маастарыстыбатын көрдөрөр күөн күрэс түмүктүүр түһүмэҕэр чаҕылхайдык кытыннылар. Эрэгийиэҥҥэ бастаабыт өрөспүүбүлүкэ түөрт учуутала Саха сирин дьоһуннаахтык ааттаттылар.

Кэбээйи улууһун Сангар 1-кы нүөмэрдээх орто оскуолатын ааҥыл тылын учуутала Яна Юрьевна Бабичук идэ күөн күөрэһин муҥутуур кыайыылааҕынан буолла. Кини «Smart Sakha: Exploring Olonkho through AI» («Оҥоһуу өй технологиятын туһанан саха олоҥхотун чинчийии») саҥаны киллэрэр уруога 1 истиэпэннээх дьупулуомунан уонна күөн күрэс үрдүк наҕарааданан – “Үөрэххэ сулууспатын иһин” мэтээлинэн бэлиэтэннэ.

Дьүүллүүр сүбэ, педагог национальнай култуура нэһилиэстибэтин уонна аныгы сыыппара үнүстүрүмүөнүн кырааматынайдык туһаммытын туһаайан бэлиэтээтэ.

Федеральнай күөн күрэс финалистарынан буоллулар:

• Семенова Светлана Егоровна, В.П.Ларионов аатынан Майа орто оскуолатын учуутала (Мэҥэ Хаҥалас улууһа);
• Иванова Марина Олеговна, С.С.Каримова аатынан 1-кы нүөмэрдээх гимназия учуутала (Нерюнгри к.);
• Сивцева Алёна Алексеевна, Сунтаардааҕы лиссиэй-интэринээт учуутала (Сунтаар улууһа).

“Бу курдук киэҥ далааһыннаах күөн күрэскэ кыттыым миэхэ суолталаах, улахан бэлиэ түгэнинэн буолла, — диэн Яна Бабичук санаатын үллэстэр. – Биһиги бэйэбит маастарыстыбабытын көрдөрбүппүтүн таһынан, маастар-кылаас, кыттыгас үлэ быһыытынан Арассыыйа араас муннуктарыттан мустубут биир идэлээхтэрбит уопуттарын ыллыбыт”.

Бу туһунан Үөрэх уонна билим министиэристибэтин телеграм-ханаалыгар сырдаталлар.