Хаартыска: сахагов.ру
Сэтинньи 13-16 күннэригэр Сахалин уобалаһыгар идэни сайыннарар киин исписэлиистэрэ тэрийбит эрэгийиэннэр икки ардыларынааҕы «Уларытыы лиидэрдэрэ» сүлүөт буолан ааста.
Бу Ыччат дьыалаларыгар федеральнай ааҕыныстыба анал бырайыага. Манна Саха сирин, Амур уобалаһын, Хабаровскай кыраай, Калининград уо.д.а эригийиэннэр кыттыыны ыллылар. Бырагыраама бэрэсидьиэн Владимир Путин көҕүлээһининэн ыытыллыбыт «Ыччат уонна оҕо» национальнай бырайыагын чэрчитинэн олоххо киирэр. Иитээччилэр үүнэр көлүөнэни кытта үлэлиир ньымалары баһылаан, федеральнай эспиэрдэртэн үөрэннилэр, оттон тиэхиньикумнар, кэллиэстэр устудьуоннара хамаанданан үлэлииргэ, бэйэни сайыннарыыга сыал-сорук туруорунарга үөрэннилэр. Кыттааччыларга педагогика, психология, бэйэни билиһиннэрии уонна уопсастыбаннай тыл этии, оонньуу дьарыктара уонна нейропрофилирование эйгэлэрин исписэлиистэрэ кыттыылаах кэлим бырагыраама бэлэмнэммитэ. Кыттааччылар этэллэринэн, ыытыллар үлэ оҕолору кытта өрүү үлэлиир идэтийбит дьоҥҥо туһалаах эрэ буолбакка, барытыгар туһалаах уонна суолталаах эбит.
Быйыл «Росмолодежь» бырайыагынан идэни сайыннарар киин 12 эрэгийиэннээҕи, эрэгийиэннэр икки ардыларынааҕы, Уһук Илиҥҥи, федеральнай бырагыраамалары олоххо киллэрдэ. Бу бырайыактарынан Москва, Новосибирскай, Пермь, Красноярскай, Санкт-Петербург, Казань, Нижний Новгород, Иваново куораттарга үлэлииллэр. Түмүк тэрээһин, «Ыччат идэтинэн сайдыытын салайыы» Москваҕа сэтинньи 20-22 күннэригэр ыытыллыаҕа. Сүрүн сыала-соруга үөрэх тэрилтэлэригэр систиэмэлээхтик үлэлииргэ бэлэм тэрилтэлэр ситимнэрин тэрийии буолуоҕа.
Сиһилии: https://www.sakha.gov.ru/news/15502 сигэҕэ киирэн ааҕыҥ.
Харчытын сатаан суоттанар киһи хаһан да, туохха да ночоотурбат дииллэр. Ол эрээри киһи, үөйбэтэх өттүттэн…
Тохсунньу 23 күнүгэр СӨ Национальнай бибилэтиэкэтин Историческай саалатыгар норуот бэйиэтэ, СӨ култууратын үтүөлээх үлэһитэ, тылбаасчыт,…
2026 сыл тохсунньу 17 күнэ – Өймөкөөн улууһугар туризмы сайыннарыыга туһуламмыт көмүс буукубанан суруллубут устуоруйа…
Бэҕэһээ, тохсунньу 23 күнүгэр, Горнай улууһун Бэрдьигэстээх сэлиэнньэтигэр Мэхээлэ Дьөгүөрэп аатынан сынньалаҥ киинигэр нэһилиэккэ биллэриллибит…
“Итии чэй” рубрика бүгүҥҥү ыалдьыта Микиитэ Айанньыытап. Микиитэ “Зема” ыччат уопсастыбаннай түмсүүтүн өрөспүүбүлүкэтээҕи холбоһугун бэрэссэдээтэлэ,…
Бүлүү улууһун ыраах Хаҕын орто оскуолатын 10 үөрэнээччитэ Москва, Санкт-Петербург, Казань куораттарыгар “Нуучча филологията”, “Тыллары…