Саха сирин перинатальнай киинигэр саҥа мэдиссиинэ тэрилэ кэллэ

М.Е.Николаев аатынан Национальнай мэдиссиинэ киинин 1-кы №-дээх өрөспүүбүлүкэтээҕи балыыһатын Перинатальнай киинин  репродуктивнай технология салаатыгар саҥа мэдиссиинэ тэрилэ кэлбит: ламинарнай-потоковай ыскааптар, мультигазовай инкубатор, хэтчинг лазера, стереомикроскоптар, ИКСИ уонна биопсия микроманипулятора.

Бу тэриллэр СӨ Ил Дархана Айсен Николаев «О стратегических направлениях укрепления общественного здоровья и развития системы здравоохранения в РС(Я)» уурааҕынан кэллэ.

М.Е.Николаев аатынан Национальнай мэдиссиинэ киинин 1-кы №-дээх өрөспүүбүлүкэтээҕи балыыһатын Перинатальнай киинэ аныгы технология киининэн буолар. Уустук балаһыанньалаах ыарыһахтарга: оҕо күүтэр ийэлэргэ, оҕоломмут дьахталларга, саҥа төрөөбүт оҕолорго көмөлөһөр.