Саха сирин пиэрмэрдэрэ АККОР XXXVI сийиэһигэр бэлэмнэнэллэр

Саха сирин пиэрмэрдэрэ АККОР XXXVI сийиэһигэр бэлэмнэнэллэр.

Бу туһунан СӨ Тыатын хаһаайыстыбатын уонна аска-үөлгэ бэлиитикэтин министиэристибэтин пресс-сулууспата иһитиннэрэр. Сийиэс Москва куоракка кулун тутар 4-5 күннэригэр ыытыллыаҕа. Саха сирин дэлэгээссийэтин өрөспүүбүлүкэ АККОР Бэрэсидьиэнэ Александр Артемьев салайыаҕа.

Сийиэс үлэтигэр дойдубут 70 эрэгийиэниттэн 850 дэлэгээт уонна кыттааччы кэлэрэ күүтүллэр. Ол курдук, бааһынай хаһаайыстыбалар баһылыктара, кэпэрэтиибинэй түмсүүлэр салайааччылара, наука үлэһиттэрэ кыттыахтара.

Саха сириттэн кыттыахтаах 30-ча дэлэгээт иһигэр тыа хаһаайыстыбатын кэпэрэтиибин салайааччылара, АККОР оройуоннааҕы сэбиэттэрин бэрэссэдээтэллэрэ, пиэрмэрдэр бааллар. Кинилэр сытыы боппуруостары дьүүллэһиэхтэрэ.

Хаартыска: СӨ Тыатын хаһаайыстыбатын уонна аска-үөлгэ бэлиитикэтин министиэристибэтин пресс-сулууспата