Хаартыска: ЯСИА
Саҥа дьыллааҕы сынньалаҥ кэмигэр Саха сиригэр уонна госпиталь хайысхатынан 130 саҥа уонна хатыланар үлэ толоруллубут, 300 биирдиилээн уонна бөлөҕүнэн психологическай үлэ көрүҥэ ыытыллыбыт. Бу туһунан тохсунньу 10 күнүгэр брифиҥҥэ Өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ.
«Дьокуускайга да, оройуоннарга да байыаннай дьайыы кыттыылаахтарыгар, кинилэр ийэлэригэр, аҕаларыгар уонна оҕолоругар консультациялар ыытыллаллар. Бары үлэлэр анонимнайдык оҥоһуллаллар, докумуоннары туттарыы ирдэммэт. Дьиэ кэргэттэрин чилиэттэригэр бөлөҕүнэн көмөлөр уонна анал тэрээһиннэр буолаллар. Психологтар хас биирдии киһин кытта туспа ылсан үлэлииллэр», — диэн Владимир Скрябин бэлиэтээтэ.
Дириэктэр көмөнү уонна өйөбүлү туһанарга 8 (4112) 31-91-09 нүөмэргэ эрийэн билсиэхтэрин сөбүн туһунан эттэ. Ону кытта бу нүөмэринэн оройуоннарынан киин филиалларын нүөмэрдэрин ылыахха сөп. Ону тэҥэ төгүрүк суукка устата эрэл төлөпүөнэ үлэлиир: 8-800-100-35-50 эбэтэр 122, салгыы 6 уонна 2.
Анал байыаннай дьайыы кыттыылаахтарын уонна кинилэр дьиэ кэргэттэрин психологическай доруобуйаларын чөлүгэр түһэриигэ уонна бөҕөргөтүүгэ туһуламмыт үлэ Ил Дархан Айсен Николаев сорудаҕынан Бырабыыталыстыба бэрэссэдээтэлин солбуйааччы Ольга Балабкина салайыытынан ыытыллар.
СӨ Ил Дарханын уонна Бырабыыталыстыбатын пресс-сулууспата.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…