Саха сирин психологтара 8 тыһыынчаттан тахса консультацияны ыыттылар

Байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр профессиональнай психологическай өйөбүл оҥоһуллара салҕанар. 2025 сыл 4 ый иһигэр Дьокуускайга, оройуоннааҕы филиалларга уонна Ростово-на-Дону куоракка 8000-тан тахса психологическай консультация ыытылынна.

«Байыастар дьиэ кэргэттэрин чилиэттэригэр 1600-тэн тахса өҥө оҥоһуллубут», – диэн ыам ыйын 16 күнүгэр Дьокуускайдааҕы психологическай киин диритэктэрэ Владимир Скрябин иһитиннэрдэ.

ЯРПЦ докумуон ирдэммэт, псевдонимынан суруйуохха сөп. Байыаннай дьайыы кыттыылаахтарыгар, кинилэр дьиэ кэргэттэрин чилиэттэригэр, ону сэргэ кириисис хайысхаларынан киин өҥөтө босхо.

Киин психологтарга суруттарыахха сөп: 8 (4112) 31-91-09. Ону таһынан суукканы эргиччи үлэлиир төлөпүөн нүөмэрэ: 8-800-100-35-50, онтон 122, салгыы 6 уонна 2.