Хаартыска: SakhaGov
Ааспыт нэдиэлэҕэ өрөспүүбүлүкэҕэ уонна Ростов-на-Дону госпиталга хайысханан байыаннай дьайыы 230 кыттыылааҕар уонна кинилэр дьиэ кэргэттэригэр 270-тэн тахса биирдиилээн уонна бөлөҕүнэн психологическай көмө оҥоһулунна. Ол туһунан Психология өрөспүүбүлүкэтээҕи киинин дириэктэрин муниципальнай тэриллиилэри кытары үлэҕэ солбуйааччы Анатолий Кузьмин брифиҥҥэ иһитиннэрдэ.
“Бэлиэтээн эттэххэ, биһиги исписэлиистэрбит миэдик, психиатр буолбатахтар, ол иһин психиатрическай учуокка ылбаттар, биһиги хайысхабыт – социальнай, гражданскай психология”, — диэн Анатолий Кузьмин быһааран эттэ.
Байыаннай дьайыы кыттыылаахтарыгар, кинилэр дьиэ кэргэттэрин чилиэннэригэр уонна да атын хайысхаларга Киин өҥөлөрө босхо оҥоһуллаллар. Ханнык да докумуон ирдэниллибэт, хос аатынан (псевдонимынан) суруйтарыахха эмиэ сөп.
8 (4112) 31-91-09 нүөмэргэ үлэ чааһыгар суруйтаран, тустаах көмөнү уонна өйөбүлү ылыахха сөп. Психологическай киин улуустарга салааларын нүөмэрдэрин эмиэ манна эрийэн билсиллэр. Ону таһынан 8-800-100-35-50 эбэтэр 122, салгыы 6 уонна 2 хантаактар суукканы быһа үлэлииллэр.
Байыаннай дьайыы кыттыылаахтарын уонна кинилэр дьиэ кэргэттэрин чилиэннэрин уйулҕаларын харыстыырга, бөҕөргөтөргө ананар Психология өрөспүүбүлүкэтээҕи киинин үлэтэ СӨ Ил Дархана Айсен Николаев сорудаҕынан уонна Саха сирин бырабыыталыстыбатын бэрэссэдээтэлин солбуйааччы Ольга Балабкина сүрүннээһининэн ыытыллар.
СӨ Ил Дарханын уонна бырабыыталыстыбатын пресс-сулууспата
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…