Саха сирин саахыматчыттара «Белая ладья» күрэхтэһии финалыгар кытталлар

Бэс ыйын 1-11 күннэригэр Сириус баазатыгар Краснодарскай кыраайга оскуола тэрилтэлэрин хамаандаларын ортолоругар «Белая ладья» саахымакка күрэхтэһии аһаҕас түһүмэҕэ ыытыллар.

Саха сириттэн Чурапчы улууһуттан В.С. Соловьев-Болот Боотур аатынан Хатылы орто оскуолатын хамаандата кыттар.

Саха сирин хамаандата «Белая ладья» өрөспүүбүлүкэтээҕи түһүмэҕин кыайыылааҕынан буолар. Хамаанда састаабыгар Данилов Николай Егорович салайааччылаах Слепцов Михаил, Максимова Юлия, Попова Мичийэ уонна Максимова Кристина кытталлар.

Күрэхтэһиини сылын ахсын РФ Саахымакка Федерацията тэрийэн ыытар. Бу туһунан «Триумф» успуорт уораҕайын пресс-сулууспата суруйар.