Саха сирин саахыматчыттара муҥутуур ситиһиилэннилэр

Арассыыйа күрэхтэһиитигэр эдэр саахыматчыттарга  хаһан да буолбатах ситиһии кэллэ. 

Ол курдук, өрөспүүбүлүкэ  устуоруйатыгар бастакынан Валерия Слепцова Үрдүк лигаҕа классическай саахымакка кыһыл көмүс мэтээли, онтон Арина Васильева  боруонса мэтээли ыллылар.

Саха сирин сүүмэрдэммит хамаандата барыта түөрт мэтээлинэн наҕараадаланна. Полина Пак рапид чөмпүйүөнүнэн уонна  саахымат композицияларын быһаарарга боруонса призерунан буолла. Онон, Арассыыйаҕа саахымакка күрэхтэһиигэ наҕараада ахсаанынан өрөспүүбүлүкэтээҕи муҥутуур чыпчаал олохтонно.