ЯСИА
Саха сирин сааһын ситэ илик олохтооҕо буойаска күлүгээннээһин иһин ыстарааптанна. Кини Арассыыйа ИДьМ Приморскай кыраайдааҕы управлениетын сокуоннай саастарын ситэ илик оҕолору быстах кэмҥэ олордор пууннарыгар киллэрилиннэ диэн ЯСИА суруйар.
Уссурийскай тырааныспарка полицейскайдара Угольнай ыстаансыйаттан Аллараа Бэстээххэ диэри айанныыр пассажирдары таһар буойаска уопсастыбаннай бэрээдэги кэспитин иһин Саха сирин 17 саастаах олохтооҕун административнай эппиэтинэскэ тартылар.
Барыллааһын чахчынан, итирик туруктаах эдэр уол буойас биригээдэтин үлэһиттэрин үөхпүт, атын дьоҥҥо мэһэйдээбит. Уссурийскай ыстаансыйатыгар кэлбитин кэннэ кинини буойастан уһулбуттар уонна миэдиктэргэ бэрэбиэркэҕэ ыыппыттар. Ол түмүгэр испитэ бигэргэммит.
Быраабы кэһээччигэ кыра күлүгээннээһин уонна уопсастыбаннай миэстэҕэ арыгы иһэн баран сылдьыы иһин административнай кэһиилэр тустарынан икки боротокуол толоруллубут.
Бу уол төрөппүттэрэ атын эрэгийиэҥҥэ баалларынан уонна кинини сокуоннай бэрэстэбиитэллэригэр биэрии кыаллыбатынан, обургу уолу салгыы бэрээдэги кэспэтин туһугар Владивостокка Арассыыйа ИДьМ Приморскай кыраайдааҕы управлениетын саастарын ситэ илик бэрээдэги кэспит оҕолору быстах кэмҥэ олордор пууҥҥа киллэрдилэр. Сотору кэминэн итинтэн сокуоннай бэрэстэбиитэллэрэ ылыахтара.
Быйыл ардахтаах сыл буолан, халлааммыт оттотумаары гынна, оҕустахпыт аайы кэлэн түһэ турар дэһээччи элбэх. Ардах…
Быйыл, балаҕан ыйын 14 күнүгэр – Биир кэлим куоластааһын күнүгэр анаммыт Муниципальнай быыбарга бэлэмнэнии бара…
Атырдьах ыйын 4 күнүгэр биһиги бары дириҥник ытыктыыр чулуу киһибит, бэлитиичэскэй-судаарыстыбаннай диэйэтэл, Саҥа Саха сирин…
Уус Алдан улууһун Баатаҕай сэлиэнньэтигэр "Саха сирин лотостара" -- уу сардааналара тыллыбыттарын хаартыскаҕа түһэрдилэр. [gallery…
Дьокуускайга баар Өрөспүүбүлүкэ болуоссатын фонтатын үлэтин болдьоҕо бигэргэтилиннэ. Фонтан уотун уонна муусукатын үлэ күннэригэр киэһэтин…
Өймөкөөн оройуонугар халаан кэмигэр дьиэлэрин олоччу сүтэрбит биэс ыал саҥа дьиэ ылыахтара. Бу туһунан телеграм-каналыгар…