Саха сирин саамай улахан оскуолатыгар 1565 оҕо киирдэ

Дьокуускай куорат “Прометей” түөлбэтигэр тутуллубут өрөспүүбүлүкэҕэ саамай элбэх миэстэлээх оскуола саҥа үөрэх сылыгар үлэтин саҕалыаҕа. Бу туһунан СИА суруйар. 

Бэнидиэнньиккэ куорат дьаһалтатын мунньаҕар эппиттэринэн, быйыл 39 №-дээх оскуолаҕа 1565 оҕо киирдэ, ол иһигэр 292 оҕо – бастакы кылааска. Онуоха үөрэх тэрилтэтин бырайыагын быһыытынан, оскуола уопсай кыамтата 990 үөрэнээччи буолара бэлиэтэнэр.

Дьокуускай баһылыга Евгений Григорьев балаҕан ыйын 1 күнүгэр диэри Ксенофонт Уткин аатынан уулуссаҕа маршрутнай автобустар сырыыларын тэрийэргэ сорудахтаата.