Саха сирин сайдыытыгар үөрэх хаачыстыбатын үрдэтии бастакы миэстэҕэ турар

Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.

Кини эппитинэн, бу кыһалҕа үөрэх тиһигин бары таһымнарыгар тупсарар үлэни үрдэтии дьаһалларын ылары ирдиир. Ыччат ортотугар профессиональнай компетенциялары сайыннарыыга ураты болҕомто ууруллар. Айсен Николаев выпускниктарга профессиональнай идэҕэ саамай кэскиллээх хайысхалары бэйэлэрэ талар кыахтарын биэрэр сүрүн ньыманы үөскэтии наадатын ыйда.

Бүгүн анал үөрэхтээһин эйгэтигэр сөптөөх динамика көстөр: бүтүн Арассыыйатааҕы олимпиадалар кыттыылаахтарын уонна кыайыылаахтарын ахсаана үрдүүр, сүрүн биридимиэттэргэ экзамены туттарыы көрдөрүүлэрэ тупсар. Ол эрээри, үөрэхтээһин эйгэтин тупсарыыга үлэ салҕанар. Былааҥҥа – эрэгийиэн киинигэр технологическай инновациялар уонна научнай чинчийии эйгэтигэр исписэлиистэри бэлэмнээһиҥҥэ туһуламмыт аныгы үрдүк үөрэх кыһаларын икии ардыгар кампус тутуллуута турар диэн эттэ Ил Дархан.

Онон, кэлэр көлүөнэни бэлэмнээһин таһымын үрдэтии Саха сирин салалтатын иннигэр турар билиҥҥи кэмҥэ саамай суолталаах салаа, ол каадыр кыһалҕатын быһаарарга уонна өрөспүүбүлүкэ социальнай-экэнэмиичэскэй үүнүүтүгэр сабыдыаллыа.