Салгыы
Саха сирин салалтата сылгыны үөрдээн иитиигэ 500 мөл. солк. тахса үбү ыытыаҕа

Саха сирин салалтата сылгыны үөрдээн иитиигэ 500 мөл. солк. тахса үбү ыытыаҕа

21.03.2023, 16:55
Хаартыска: sakhagov.ru
Бөлөххө киир:

Быйыл өрөспүүбүлүкэ сылгыны үөрдээн иитиигэ 569 мөл. солк. судаарыстыбаттан өйөбүлү оҥоруоҕа. Бу туһунан өрөспүүбүлүкэҕэ сылгы үөрүн сайыннарыы кыһалҕаларын уонна кэскилин ырытыһыыга туһаайыллыбыт Аммаҕа буолбут мунньахха кэпсэттилэр.

“Эрэгийиэҥҥэ судаарыстыбаннай бэлиитикэ тыа сирин олохтоохторун дохуотун үрдэтиигэ, тыа хаһаайыстыбатын оҥорон таһаарааччыларын өйөөһүҥҥэ, олохтоох бородууксуйа атыттары кытта күрэстэһэр кыаҕын үрдэтиигэ, тыа сиригэр дьон олоҕун усулуобуйатын тупсарыыга туһаайыллар. Биһиги уустуктары аахсыбакка туран сылтан сыл тыа хаһаайыстыбатын өйүүр кээмэйи эбэн иһэбит. Быйыл 14,2 млрд. солк. тахса көрүлүннэ, ити 2020 сылы кытта тэҥнээтэххэ 3,5 млрд. солк. элбэх. Билиҥҥи усулуобуйаҕа бу улахан ситиһии”, — диэн Айсен Николаев бэлиэтээн турар.

Бырабыыталыстыба бэрэссэдээтэлин солбуйааччы Михаил Никифоров салайааччылаах мунньахха 15 улуустан бэрэстэбиитэллэр кытыннылар. Сылгыны үөрдээн иитии туругун уонна кэскилин туһунан Тыа хаһаайыстыбатын миниистирэ Александр Атласов иһитиннэрдэ, сүрүн көрдөрүүлэргэ тохтоото. Ил Дархан Айсен Николаев сорудаҕынан бу салаа үбүлээһинин эбэргэ эбии миэрэлэр ылыныллыбыттарын бэлиэтээтэ.

Өскөтүн 2019 сыллаахха өрөспүүбүлүкэҕэ сылгыны үөрдээн иитиигэ 258,8 мөл. солк. судаарыстыбаннай өйөбүл көрүллүбүт эбит буоллаҕына, Ил Дархан сорудаҕынан быйыл 569 мөл. солк. тэҥнэспит.

Күн бүгүн сылгыны үөрдээн иитиинэн бары улууска дьарыктаналлар. Бу эйгэҕэ 1800 сылгыһыт үлэлиир. 2017 сылтан Саха сирин 16 улууһугар 277 сылгы баазатын туппуттар. Быйылгыттан сылгы ахсаанын 182,1 тыһыынчаттан 187 тыһ. диэри тиэрдэр былааннаахтар.

Мунньахха бэйэлэрин көрүүлэрин уонна бу салааны сайыннарыыга уопуттарыттан сылгы собуоттарын, хаһаайыстыбаларын салайааччылара, сылгы иитээччилэр, билим түмсүүтүн бэрэстэбиитэллэрэ, улуус баһылыктара уонна тыа хаһаайыстыбатын управлениетын салайааччылара үллэһиннилэр.

Санатан суруйдахха, 2022 сылга Саха сиригэр тыа хаһаайыстыбатын оҥорон таһаарыытын кээмэйэ 1,2 % эбиллэн, 28,8 млрд. солк. тэҥнэспит. Аһылык бородууксуйатын оҥорон таһаарыы кээмэйэ 1,5 % үрдээн, 9,1 млрд. солк. тиийбит. Өрөспүүбүлүкэҕэ эти бэлэмнээһиҥҥэ сылгы (убаһа) этэ 37 % ылар.

Ил Дархан уонна Бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: