Хаартыска: Николай Атласов тиксэриитэ.
Бу күннэргэ ТНТ «Битва пикников» ыытар шоу-биэриитигэр Саха сирин чиэһин көмүскээбит «Тыгын Дархан» эрэстэрээн бренд-шеф пуобара Николай Атласов кыайыылааҕынан таҕыста.
Биэрии бэс ыйын 1 күнүгэр эпииргэ көстүбүтэ. Усулуобуйа быһыытынан күөн-күрэс кыттыылаахтара түргэн сокуусканы кытта сүрүн бүлүүдэни астыахтаахтар. Саха асчытыгар кини астыы үөрэммит балыга кыайыыны аҕалла. Ол курдук, Николай Атласов сёмганы сыр тумалаан баклажаны эбэн уонна индейкаттан оҥоһуллубут булочканы астаан, дьүүллүүр сүбэ болҕомтотун тарта.
«Мин ханна да сырыттарбын, тугу да астаатарбын, өрүү саха аһын инники күөҥҥэ тутабын. Маныаха уһуйааччым Иннокентий Тарбахов сүбэтэ-амата өрүү өйөбүл буолар«, — диэн бэлиэтээтэ аатырбыт асчыт.
Дьүүллүүр сүбэҕэ оҕолору кытта биэрии ыытааччылара Роман Юнусов уонна Дмитрий Левицкэй киирсэн, күрэстэһэр асчыттар үлэлэрин сыаналаатылар.
Кыайыылаах Николай Атласовка 50 тыһыынча солкуобай суумалаах харчынан бириэмийэни туттардылар.
«Бу маннык тэрээһиннэр дойду араас эрэгийиэниттэн кыттар шеф-асчыттар бэйэлэрин омуктарын национальнай астарын киэҥ араҥаҕа билиһиннэрэллэригэр улахан өйөбүлү онороллор. Онон Сахам сирин ааттатыан сөптөөх суолталаах тэрээһиннэргэ анаан кыттабын», — диэн санаатын үллэһиннэ Николай Атласов.
Асчыттар шоу-биэриилэрин бу сигэнэн киирэн көрүөххэ сөп: https://premier.one/show/bitva-piknikov
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…