Саха сирин сорох оройуоннарынан -21°С кыраадыска диэри тымныйар

Бүгүн, алтынньы 9 күнүгэр, Саха сирин арҕаа өттүгэр күнүс кыралаан хаар түһэрэ сабаҕаланар, сорох оройуоннарынан, өрөспүүбүлүкэ хотугулуу-арҕаа өттүгэр инчэҕэй хаар, ардыгар ардах түһүөҕэ.

Кыра тыаллаах, соҕуруу сөкүүндэҕэ  9-14 м диэри түргэннээх тыалырыа, оттон Өлөөн улуһуугар сөкүүндэҕэ 15-20 м түргэннээх күүстээх тыал түһэрэ күүтүллэр.

Салгын температурата түүн -5-10°С, соҕуруулуу-арҕаа, киин улуустарга -3,+2°С кыраадыс сылаас, хотугулуу-илин -8-13°С кыраадыс тымныы, былыта суох буоллаҕына -16-21°С кыраадыска диэри тымныйар. Күнүс салгын температурата үгүс оройуоннарынан  0,+5°С, соҕуруу  +4+9°С, хоту 0,-5°С, хоту муора кытылынан -2-7°С.

Дьокуускайга салгын температурата түүн −1°…0°, күнүс +1°…+2°С кыраадыс сылаас, былыттаах, сөҥүүтэ суох.