Саха сирин судаарыстыбаннай бүддьүөтүн бырайыагынан аһаҕас истиилэр буолуохтара

Бу туһунан сэттис ыҥырыылаах Ил Түмэн иккис уочараттаах пленарнай мунньаҕын түмүктүүрүгэр спикер Алексей Еремеев иһитиннэрдэ.

«2024 сылга уонна 2025-2026 сылларга Саха Өрөспүүбүлүкэтин судаарыстыбаннай бүддьүөтүн туһунан» сокуон бырайыагынан Ил Түмэҥҥэ алтынньы 13 күнүгэр аһаҕас истиилэр буолуохтара. Киэҥ ыҥырыылаах мунньаҕы Ил Түмэн Бүддьүөккэ, үпкэ, түһээн уонна сыана бэлиитикэтигэр, бэйэ бас билиитин уонна приватизация боппуруостарыгар сис кэмитиэтэ иилээн-саҕалаан ыытыа.

Аһаҕас истиилэр 2023 с. алтынньы 13 күнүгэр, 10.00 ч. Ил Түмэн дьиэтигэр, аччыгый саалаҕа ыытыллыахтара.