Саха сирин судаарыстыбаннай сулууспалаахтара дааннайдары анаалыстааһыны үөрэттилэр

Кулун тутартан муус устарга диэри Сбер “Оскуола 21” тэрилтэҕэ “Введение в анализ данных” куурус буолан ааста. Тэрээһиҥҥэ өрөспүүбүлүкэ министиэристибэлэрин уонна биэдэмэстибэлэрин 100 үлэһитэ кытынна.

Үөрэх иитинэн истээччилэр улахан даннайдары, машиннай үөрэхтээһини туһаныы үлэтин таһынан, тус бырайыактарын оҥордулар. Манна билиһиннэриллибит көҕүлээһиннэр ортолоругар оҥоһуу өйү туһанан олох-дьаһах хомунаалынай өҥөтүн сыанатын, кыыл-сүөл тарҕаныытын сабаҕалааһын, тутууну ыытарга видеонан кэтээн көрүүгэ оҥоһуу өйү туһаныы, «ППиООС»  геоинформационнай систиэмэ баазатыгар уулаах сирдэр киртийиилэрин кэтээн көрүү бааллар.

Бырайыагы көмүскээһиҥҥэ бырабыыталыстыба бэрэссэдээтэлин солбуйааччы Анатолий Семенов эспиэртээтэ: “Манна билиһиннэрилибит бырайыактар бары өрөспүүбүлүкэҕэ суолталаах хайысхалары таарыйаллар уонна быраактыкаҕа туһаныллар кыахтаахтар. Интенсив сүрүн соруга – олохсуйбут даннайдарга кыттааччылар саҥа көрүүнү олохсутуулара, ону стартегическай суолталаах быһаарыыны ылынарга туһаныы, судаарыстыбаннай салайыы хаачыстыбатын тупсарыы. Сыыппара кэмигэр сүрүн сатабылларга үөрэнэр кыаҕы биэрбиттэригэр Сбер “Оскуола 21” хамаандатыгар махтанабын. Бу былаас уорганын үлэтин көдьүүһүн үрдэтэргэ, нэһилиэнньэ олоҕун хаачыстыбата тупсарыгар уонна эрэгийиэн бигэ социальнай-экэнэмиичэскэй сайдыытыгар суолталаах хардыы” – диэн эттэ. Бу туһунан Ил Дархан уонна Бырабыыталыстыба пресс-сулууспата суруйар.