Саха сирин суһал ыстааба сэби-сэбиргэли тиэрдии үлэтин күүһүрдэр

Өрөспүүбүлүкэ салалтата Суһал ыстаапка эбии сэби-сэбиргэли, тэрили тириэрдии болдьоҕун тутуһар сыалтан табаарынан хааччыйааччылары кытары үлэни күүһүрдэр соругу туруорда.

Ол туһунан бүгүн брифиҥҥэ анал байыаннай эппэрээссийэҕэ кыттааччылары эбии хааччыйыыны сүрүннүүр уонна хардарыта бииргэ үлэлэһэр СӨ суһал ыстаабын бэрэссэдээтэлин солбуйааччы, СӨ нэһилиэнньэҕэ куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков иһитиннэрдэ.
Бу күннэргэ Саха сириттэн анал байыаннай эпэрээссийэҕэ инники кирбиигэ сылдьар уонна госпиталларга эмтэнэ сытар байыастарга эбии сэп-сэбиргэл, баһыылка, хаһыат уонна сурунаал тиэрдилиннэ.
Дмитрий Лепчиков эппитинэн, СӨ суһал ыстааба уонна Биир кэлим координационнай киин байыаннай эпэрээссийэ балаһыанньаларын учуоттаан уонна баһыылкалары тириэрдиини түргэтэтэр сыалтан өрөспүүбүлүкэ Тирэх пууннарын үлэлэрин саҥа усулуобуйатын быһаардылар.