Саха сирин суол оҥоһуутун пуондатын үбэ 90 млрд солк. тэҥнэстэ

Саха сирин суол оҥоһуутун пуондатын үбэ-харчыта 90 млрд солкуобайга тэҥнэстэ.

Бу үп суумата үс сыл устата үрдүк таһымҥа сылдьыаҕа. Бүддьүөт бырайыагын чэрчитинэн, пуонданы үбүлээһин суумата 89,6 млрд солкуобайга тэҥнэстэ. Мантан кэлэр 2026 сылга — 11,8 млрд. солкуобайы ыытыахтара, 11,6 млрд.  солкуобайы — 2027 сылга, 12,3 млрд. солкуобайы — 2028 сылга. Бу туһунан  СӨ Тырааныспарга уонна суол хаһаайыстыбатыгар миниистирэ Владимир Сивцев иһитиннэрдэ. Кини бэлиэтииринэн,  туруктаах үбүлэнии түмүгэр Өлүөнэ күргэтин тутуу уонна суол ситимин «Инфаструктура для жизни » национальнай бырайыак чэрчитинэн оҥоруу салҕаныаҕа. Бэлиэтээн суруйдахха, национальнай бырайыагы олоххо киллэриини РФ бэрэсидьиэнэ Владимир Путин дьаһалынан саҕаламмыта.

Бу сылга национальнай бырайыак чэрчитинэн аан бастакытын суол ситимин 20 тыһыынчаттан тахса нэһилиэнньэлээх пууннарга тупсарыы, оҥоруу тэрээһинэ ыытыллыаҕа. Ол курдук, Мииринэй, Ленскэй, Нерюнгри, Алдан оройуоннарыгар үлэ ыытыллыаҕа. Бу сылга номнуо 9,34 км суол көннөрүллүбүт. Кэлэр сылга үлэ тиэмпэтин түргэтэтии уонна 16 км кырата суол оҥоруу былааннанар.