Хаартыска Саха сирин суолларын салалтатыттан
Соторутааҕыта оробуочай хамыыһыйа “Нам” уонна “Умнас” айан суолларыгар икки автоматическай ыйааһын уонна кээмэй хонтуруоллуур пууннарын (АПВГК) үлэҕэ киллэрдэ. Бу туһунан Саха сирин суолларын салалтата иһитиннэрэр.
Бу эбийиэктэри таһаҕаһы тиэйиигэ суол үрдүн ыарахан уйуктаах тырааныспартан харыстыыр сыалтан “Куттала суох хаачыстыбалаах суоллар” национальнай бырайыагы олоххо киллэрии чэрчитинэн туруордулар. Билигин таһаҕаһы тиэйиигэ административнай кэһиилэри таһаардахха боротокуолу оҥорорго АПВГК-ны Ространснадзор систиэмэтигэр киллэрэр үлэ барар.
“Олохтоммут нуорма ирдэбилинэн, күн бүгүн оборудование бэрэбиэркэлиир эрэсииминэн үс ый устата, олунньу ыйга диэри үлэлиэҕэ. Оччотугар толору үлэҕэ киллэриэхпит”, — диэтэ Саха сирин суолларын салалтатын хаартыскаҕа-видеоҕа устуу систиэмэтин көрөр-истэр салаатын салайааччыта Альберт Корякин.
АПВГК-лар национальнай бырайыагынан саҥардыллыбыт уонна өрөмүөннэммит учаастактарга бааллар: “Нам” айан суолун 16 км уонна “Умнас” айан суолун 65 км. Систиэмэлэр тырааныспар ыйааһынын уонна кээмэйин эрэ быһаарар буолбакка, массыына нүөмэрдэрин билэр уонна суол быраабылаларын кэһиилэри хаартыскаҕа уонна видеоҕа түһэрэр кыахтаах.
Бүгүн, сэтинньи 8 күнүгэр, П.А. Ойуунускай аатынан Саха академическай тыйаатырыгар саха биллиилээх судаарыстыбаннай уонна бэлитиичэскэй…
Томмот полициятын отделын дьуһуурунай чааһыгар 43 саастаах бульдозерист сайабылыанньа суруйбут. Кини саайт нөҥүө оҥочо мотуорун…
Саха сирин Хапытаалынай өрөмүөҥҥэ пуондата ВКС эрэсииминэн кылгас болдьохтоох былаан туһунан муниципалитеттары кытта мунньах ыытта.…
Амма улууһун баhылыга Степан Николаевич Кузьмин муҥхатын кэмигэр, сэтинньи 9 күнүгэр балыктыыр биригээдэлэр икки ардыларыгар…
Бүлүү оройуоннааҕы полиция отделыгар олохтоох киһи 27 тыһ.солк. тахса харчытын уорбуттарынан сайабылыанньа суруйбут. Эмсэҕэлээччи банкеттыыр…
Күн бүгүн Өлүөхүмэ улууһун олохтоохторугар социальнай суолталаах икки улахан тутуу барар турар – доруобуйа харыстабылын…