Саха сирин суолларынан таһаҕас тиэйэр тырааныспардарга быстах кэмҥэ хааччахтар киириэхтэрэ

СӨ Тырааныспарга бирикээһинэн, Саха сиригэр сааскы кэмҥэ улахан уһуйуктаах, таһаҕас тийэрэ тырааныспардарга эрэгийиэннээҕи уонна муниципальнай суолларынан айан-сырыыга быстах хааччахтар киллэриллиэхтэрэ.

Суолталаах суоллары харыстааһыҥҥа быстах болдьоххо хааччахтааһыннар бу сыл ыам ыйын 15 күнүттэн үлэлиэхтэрэ.​ Суол учаастактарынан ыйааһын хонтуруолун пууннара туруоруллуохтара, диэн управтодор14.рф саайта суруйар.

Маны тэҥэ олохтоммут нуорма тарҕаммат:

• — пассажирдары таһар оптуобустарга;
• — аһы-үөлү, кыыллары, эми-тому, уматыгы, сиэмэ пуондатын, уоҕурдууну, буостаны тиэйиигэ,​
• — ыксаллаах быһыы-майгы содулларын туоратыыга таһаҕаһы тиэйиигэ;
• — суол, тутуу уонна суол-иис тиэхиньикэтин уонна аварийнай-чөлүгэр түһэрэр уонна өрөмүөннүүр матырыйааллары таһыыга;
• — федеральнай ситэриилээх былаас уорганнарын тырааныспардарыгар.​